日本Felissimo X 亂馬1/2 中華風原創商品、還原漫畫場景

亂馬1/2保暖睡衣  7,590日圓 含稅（約424港元）
亂馬喺電影中身穿嘅中國風睡衣，估唔到還原咗！呢套長袖睡衣有返足夠厚度，適合冬天穿著。睡衣以嗚門卷圖案加上中國式繩結扭扣，等你睡夢中都好似習武之人咁！

亂馬1/2枕頭套  2,640日圓 含稅（約148港元）
枕頭套中有「亂馬和良牙」、「亂馬和小茜」等幾款。各款枕頭套正面都有唔同角色坐喺彎月上嘅圖案。而背面就好似令你同漫畫融為一體嘅感覺，好有趣啊！

亂馬1/2 小黑豬袋  2,560日圓 含稅（約143港元）
響良牙變成小黑豬好得意啊！呢個小袋按照返小黑豬嘅實際大小製造，一手捧住超可愛。小袋適合收納生活小物例如髮夾、唇膏、摺梳等，女士實啱用！

亂馬1/2 襪  1,540日圓 含稅（約86港元）
3對襪以女生亂馬、小茜、珊璞嘅人物特色作設計靈感。襪子上有滿滿中國風嘅蔓藤花花紋，係幾有特色嘅但個人認為可能有少少難襯啊~

亂馬1/2 兩個戴法流蘇耳飾  2,750日圓 含稅（約154港元）
流蘇耳飾帶有插圖人物及花朵嘅圓形樹脂，配上5cm嘅流蘇。唔鍾意流蘇嘅也可以選擇拆卸，咁就可以低調啲但又保留特色喇！

亂馬1/2 亂馬和小茜愛情故事衛衣  5,940日圓 含稅（約332港元）
你哋又記唔記得呢個畫面係出自漫畫嘅邊一集情節呢？睇到我心卜卜跳嘅名場面，色彩夠搶眼又唔會太浮誇，卡其色衛衣仲好好襯，要買啊！

亂馬1/2雙面手提袋  5,170日圓 含稅（約289港元）
無論你係花巧派定沉穏派，呢個袋都實滿足到你！因為佢係一個雙面嘅手提袋。一邊以粉啡色、粉紅色設計，將花花同角色人物嘅圖案融合其中，十分Lady；另一邊黑色只係簡單得一個圖案，係亂馬本人啊！袋嘅容量都好大，可以放到A4呎吋嘅文件。

亂馬 1/2 重現亂馬和小茜走路上學的場景網袋  2,860日圓 含稅（約160港元）
呢個網袋好有紀念性，重現返亂馬同小茜喺鐵絲網欄柵邊行路返學嘅經典場景。拉鏈位就專登變成佢兩個站立嘅人形公仔，拉開拉鏈時就好似佢哋行緊路咁，超級有創意啊！

【INFO】
亂馬1/2
地點：日本Felissimo
網址：https://www.felissimo.co.jp/kraso/wk47155/

text/serena
source/felissimo@official

============

同場加映：

【蝸居睇樓團】100萬做船主！2,000呎打卡靚船屋 三層5房2廁 啡色ｘ菱格豪華復古風