單位家居維修責任應屬業主定係租客？ 網民熱議：屋企水龍頭維修係咪由業主負責？

業主唔換係孤寒表現？水龍頭壞屬正常損耗？
樓主表示自己為業主，租客最近就同佢表示單位內嘅水龍頭壞咗，並要求佢負責更換，但樓主就認為更換水龍頭嘅責任應屬租客一方：「個租客今日同我講水龍頭壞左(咗)叫我換，呢d(啲)唔係應該租客負責咩？」。有網民就先問樓主單位內嘅水龍頭係用咗幾耐：「問心，你個龍頭用左(咗)幾耐先？1個禮拜定10年？」，而樓主就表示已用了十數年：「原裝，十幾年」，有網民就對樓主作為業主，就連用咗十幾年嘅水龍頭壞咗都唔肯主動更換表示做法相當有問題：「10幾年都唔換咁x孤寒」、「水龍頭咁x小錢都諗住搵人笨x，樓主肯定x到x街」，有網民更指租客冇水用會好慘，認為樓主認盡快幫租客更換：「咁好明顯係正常損耗，快啲幫人換咗佢啦，個租客冇水用好慘，一陣頂唔順搬走埋添(㖭)呀」。

有網民認為作為業主的樓主不肯更換單位內用了十數年的水龍頭是非常孤寒的表現，人格亦相當之有問題，而水龍頭壞明顯屬正常損耗，作為業主應盡快替其更換。

除非係租客故意破壞  租約冇特別寫明就係業主負責？
至於單位內嘅維修責任應屬於邊一方，有網民就認為若租約冇特別列明的話，維修責任應在業主一方：「租約有冇寫？通常都係業主負責」、「通常都係業主負責，除非你地簽約前deal好所有家電包括水龍頭、馬桶、坐廁呢d(啲)係到時候租客自行安排維修」，亦有網民認為除非有證據顯示租客係故意破壞，否則一律維修問題都應由業主負責：「老化問題，唔係業主負責咁係邊個負責？」、「你onX？除非份約寫到明，無證據係佢專登整壞嘅話肯定你要負責」、「租單位設施當然業主負責，除非佢用非常手段整爛你啲野(嘢)」。

亦有網民認為除非租約有列明或者是租客故意破壞外，一般單位內的維修都均由業主負責。

租客自已換當交租？業主其實最後點都要換？
而有網民就指若要求租客自行更換的話，租客正常會將維修費用計算在下次的租金上：「一係就你換，一係就個租客自己換完之後佢係(喺)租金扣翻(返)錢」，亦有網民認為若業主要求租客自行更換的話，租客定必會於退租時將水龍頭拎走：「你叫個客出錢隨時走人拆埋走」、「都唔係隨時，係肯定，你同人哋斤斤計較，人哋都一定同你斤斤計較」、「你唔驚個租客走嗰陣同你拆埋個水龍頭走嘅，你咪唔好換」，所以有網民就認為業主無論如何最終都需要為單位更換一個新嘅水龍頭：「走持(時)拆左(咗)佢。換番(返)舊果(嗰)個上去，咁你再租出去都係要換」。

有網民認為若要租客自行更換水龍頭的話，租客會將維修費用當作租金的一部份，而更有可能會於租約完結後將新水龍頭帶走，作為業主始終需為單位更換一個新的水龍頭。

租客若有心報復    業主隨時得不償失？
更有網民指若業主唔肯更換的話，隨時會因租客作出報復性嘅行為而得不償失：「你可以唔換，不過交返樓果(嗰)日你睇下(吓)你間屋會變成點」、「水浸地板，因為業主唔肯更換水龍頭，令地方浸水，從而唔x關我事」、「分享一個例子，租客唔關水喉浸左(咗)部lift最後法圑告業主賠十幾萬」，亦有網民建議作為業主不應跟租客計較小事，否則會容易惹麻煩上身：「當你都做過業主，知道要收樓有幾煩，就算你贏硬都要攪(搞)幾耐同洗(使)幾多錢，再計下條數，就唔會同過(個)租客拗啲顯(濕)x數，好快啲攞番(返)個單位再租先係最明智！」、「真，扣晒按金之後，租客幾乎玩x晒，入稟土審要一年，到時租客上庭前交晒租又冇事，再玩x你又要重新再排土審，間屋臭晒都踢唔走佢」、「係，無謂為咗一千幾百將來無番(返)幾皮野(嘢)」

亦有網民認為業主若不負起更換水龍頭的責任，租客有機會作出報復性行為，隨時令業主惹上麻煩之餘更會損失慘重，因而建議作為業主不應於小事上跟租客太過計較。

text/Jonathan
photo/HKET圖片庫

============

同場加映：

【蝸居睇樓團】100萬做船主！2,000呎打卡靚船屋 三層5房2廁 啡色ｘ菱格豪華復古風