女星袁嘉敏（Candy）今年4月1日突然在社交平台上炮轟鍾培生父子，事件引起全城討論，而她亦因此再度成為熱門新聞人物，早前更登上Google熱搜娛樂名人第五位。日前，袁嘉敏就拍片作「年度回顧」，並首度開腔重提與鍾培生父子的轇轕，更談及了金錢轇轕，強調自己「好怕人哋成日都講錢」！
袁嘉敏就著報導字眼「處心積慮3月17日的照片在4月1日發出」而回應，表示自己當日沒有留意是愚人節日子，「做咗十幾年公眾人物，都冇話公開咁樣講人哋唔啱或者唔好，其實嗰日真係失咗啲理智，因為唔開心，喊得幾犀利。但係咪鬧人渣？我就冇用一個咁凝重咁harsh嘅字眼，即係我哋日常會話中意思就係『衰人多少少』。」
►同場加映：【衝出嚟玩】堅尼地城1萬呎遊樂場Sooper Yoo門票85折起！2小時任玩攀爬障礙迷宮+單車激戰
袁嘉敏續稱：「但係始終對佢哋唔好，對我又唔好，特別去到我呢個年紀，應該更加成熟去處理，都係我嘅錯，最大嘅錯都係我。因為我應該揀得好啲，即係揀人做朋友要揀得好啲，同埋我真係放低咗戒心，搞到自己幾傷心同嘥咗幾多時間，呢個都係我嘅錯嚟。」
袁嘉敏更剖白了覺得與鍾培生的關係在一開始時不太妥當，直言「後尾就太唔開心，都喊得幾犀利咁，就咁樣發生咗件事。嗰陣係有人主動嚟搵我，就話鍾意咗我好多年，終於想識我喇。一開始都覺得唔啱㗎喇，大家嘅諗法同性格都好唔同，就希望慢慢轉化變咗做一個細佬咁樣。但唔係即刻可以轉化到，同埋唔係咁容易轉化囉。」
袁嘉敏強調：「喺呢段關係中100%係由人哋主動提出，由人哋主導」，明白香港人的意識形態有時會覺得有錢的男人就是「筍盤」，但她自己更重視「彼此嘅性格同想法係咪合適同合拍」；而談及爆料一事，袁嘉敏就直言因為「其實當時就一直保持住一份理智嘅，但係後尾到4月1號就失咗理智。」
其後，談到「提供經濟援助過百萬，每次20幾萬」一事，袁嘉敏又自言13歲就開始自己打工賺錢，「佢未出世我已經做緊嘢」，聲稱從來沒有貪過對方的財富，「一路都慣咗靠自己，冇話渴望人哋幫太多。其實講真，我自己性格本身係好怕人哋成日都講錢，即係下下都講錢嗰啲人，我係好驚㗎！出到嚟感覺係我貪人哋錢，我下下同人哋講錢，其實真係唔係囉！」
圖及來源：YouTube@袁嘉敏、IG@袁嘉敏
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
【搶先送❗】Rollink可摺疊行李箱🧳！
↓ 全球最薄！免費成為全港首批用家 ↓
