香港地產商買樓送「必理痛」吸客!指定樓盤先有 網民:咁唔吉利都諗得出

文: 劉紀彤
2022.12.28

臨近農曆新年,本港新冠疫情輕微回升,唔少香港市民搶購必理痛等止痛退燒藥,多間連鎖用品店、藥房的藥品供不應求,紛紛推出限購令!最近更有地產商推出買樓送「通關必理痛」套裝優惠吸客,引起網民熱議!

日香港確診數字回升,加上臨近過年,唔少市民紛紛搶購止痛退燒藥看門口,當中「特效必理痛」需求大增,多間連鎖店、藥房缺貨,供不應求。早前小編就事件向屈臣氏查詢,獲回覆指:「近日顧客對必理痛產品的需求有所上升,屈臣氏於即日起對全線必理痛產品(止痛膏貼產品除外)實施限購」。

網上亦有唔少市民徵收必理痛等止痛退燒藥,同時有人以散裝出售藥品,近日更有地產商於Facebook專頁發文推出買樓送「通關必理痛」套裝優惠吸客,帖文列明只要買家成功買入麗港城單位即送通關必理痛禮包,而相片中可見有必理痛特效藥、必理痛傷風感冒熱飲、幸福傷風感冒素、康鈣C等。

帖文引起網民熱議,有網民表示「幾好諗頭」,亦有網民指責「咁唔吉利都諗得出」、「大吉利是」。另外,港府於12月22日發新聞稿強調,公營醫療系統含撲熱息痛成分藥物的備存量充足,市場供應仍穩定,市民不需要囤積。

來源:政府新聞網、麗港城買賣租賃特區Laguna City

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓