張致恒老婆雯雯獲出價50萬包養 澄清已離婚傳聞「由頭到尾都未正式分開」

文: 羅志宏
2023.02.17

藝人張致恒(Steven)自2019年與圈外女友雯雯奉子成婚後,三年婚姻屢傳離離合合,雖然二人已育有3名兒子,但婚變傳聞一直不絕於耳,而雯雯上年更取消追蹤老公張致恒的IG,並刪除合照,其後又揚言已觸及底線,因性格問題已走不下去。二人關係似乎時好時壞,令離婚傳聞屢次炒熱,但雯雯最新又有話想說!

2月13日,張致恒老婆雯雯再在IG與網民互動,期間就再澄清被指已離婚的傳聞,直言「由頭到尾都未正式分開,我一直都係話我單方面計劃緊,但係計劃之中,一定要係對小朋友最好先能夠實行,所有嘢我都安排緊計劃緊...」同時又對夫妻關係避而不談,「其實都冇話有冇好唔好,大家每日角色都係爸爸媽媽,好多嘢唔係單方面,需要睇吓有冇心改變。」

雯雯又被問到老公張致恒的性能力,於是以14字高EQ回覆:「你對佢咁有興趣,你應該係去佢Instagram。」又有人留言出價50萬包養一個月,並需簽保密協議條款,但雯雯就風趣地以「生完3個都咁睇得起我」回覆,一笑置之。

 


2月7日,雯雯在IG限時動態寫下逾500字長文,暗指受到部分網民不斷轟炸,疑似遭到要脅「爆大鑊」,指控老公張致恒欠債不斷、婚內出軌等,不過雯雯一於少理,並直言:「如果你哋任何一個想公開曝光一切,你哋即管可以做,不會影響到我。不過你哋公開,佢冇工作,一樣不會有錢畀你哋」,言下之意似乎劃清界線。


 

1月20日,對於被謠傳已攜三子搬走後,雯雯在IG寫下長文反擊:「其實我冇話過我要申請公屋,計劃中好多嘢,但係冇包含過申請公屋,再加上我搬屋係成家搬屋。我亦都想講清楚,我係唔會放棄我啲狗。無論發生啲咩事,幾多人講啲乜嘢,我都係會永遠同三隻狗一齊!我餓佢哋都唔會餓!」離婚分居傳聞似乎又有戲劇性反轉。

事源1月19日,雯雯在IG再玩你問我答,「其實呢我想講好多嘢係我單方面計劃緊同安排緊,有小朋友好多嘢唔係呢一刻想就可以即刻去做到,好多嘢需要顧慮,同有個周詳嘅計劃。雖然好多嘢返唔到轉頭,但呢一刻無論有啲咩決定,一定係三個小朋友行先。呢一刻,喺小朋友面前。只可以講我會盡我最大嘅努力做好一個媽媽。其他嘢安排緊。」

 

1月16日,雯雯再度更新IG限時動態,貼出與三名兒子的母子合照,寫下94個字:「今日開始承諾自己,努力給你們生活,盡我能力做比一個母親更多的給你們。我不能給你們完整家庭,但至少我們試過,總算有呢個回憶存在。往後我一定會好好學習照顧好你們,令你們的成長不會再多一個遺憾。」似乎暗示與Steven「真.離婚」,疑學做單親媽媽。


1月9日,雯雯在IG限時動態上再與網民玩你問我答,被問到與Steven的關係時就似乎充滿怨氣,其後被問及Steven有否幫手照顧小朋友,雯雯再度公開爆seed怨爆:「做人窮唔緊要,但如果做人唔爭氣,樣樣嘢都仲要懶,咁就係廢。」

之後又講到Steven未有盡到父親的職責,直線鬧爆「你話你攰唔舒服要瞓覺,OKAY,咁我去執嘢,啲仔兩點要去到醫院。只係要求你畀嘢佢哋食,換衫準備好,我返嚟即刻出門,(但你)一點半仲瞓喺張床,你要廢要懶無問題,但既然你要生小朋友,可唔可以尊重吓佢哋,唔好因為你嘅問題去影響佢哋。我真係忍唔到幾耐,完全唔理解你呢種人生存為乜。」

 

圖片來源:IG@雯雯

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用🎁】RMK全新底妝系列!↓

↓全新原生光感隔離霜 x 零瑕絲絹粉底液↓

↓全新原生光感隔離霜 x 零瑕絲絹粉底液↓

↓【社群送禮】出發賞櫻送旅行現金!↓

↓日本GO!輕鬆帶走,000現金券↓

↓日本GO!輕鬆帶走,000現金券↓