因為愛情｜02年港姐季軍胡家惠曾郵輪企跳自殺 前夫理直氣壯劈腿出軌要求太太小三並存
由連詩雅（Shiga）主持的J2綜藝節目《因為愛情》，將播出最後一個愛情單元，邀來的主角是2002年港姐季軍胡家惠（Cathy），由她分享其曲折離奇的人生愛情故事，當中歷盡高山低谷，事關前夫理直氣壯劈腿、離婚、情緒病、毁容、疑似患癌，種種事跡紛至沓來，令Cathy一度崩潰企跳自殺。
2002年港姐季軍胡家惠（Cathy）於2011年結婚後，原以為自己會過幸福生活，卻在懷上第二胎時懷疑當時丈夫有外遇，為了兩名女兒選擇啞忍的她，最終換來的不是對方被感動，而是對方一再無理剝削。胡家惠詳述當時經歷的多重內心掙扎，述了前夫如何不想離婚，但又不想跟第三者斬纜的想法：「佢話：『我同你已經冇晒愛情，不過我唔捨得你，因為你真係好好呀，你對呢個屋企付出咗好多，好幫得手，我覺得我唔可以冇咗你呢個屋企人……』」
最終Cathy無法啞忍，勇敢走上離婚及單親的道路，並因受盡離婚官司及女兒撫養權事宜等困擾及折磨，陷入情緒黑洞多次嘗試自殺。Cathy在節目中憶述其中一次險些自殺經歷：「有一次喺郵輪，突然個情緒嚟得好緊要……當時打緊撫養權官司，佢（前夫）話唔畀個女跟我，我直情癲咗……我當時使走咗屋企人同兩個女，閂咗房個露台門同窗廉，走咗去露台出面，企咗隻腳去出面準備跳落去，突然之間我個女入嚟係咁喊住叫媽咪，我個心就好實……」
雖然對前夫癡心錯付，幸而上天給了她兩名懂事的女兒，在Cathy受盡委屈的日子，竟是三歲女兒為她出頭，保護她免受前夫一再傷害。Cathy憶述當時既感人又震撼的場面謂：「佢見到爹哋返到屋企鬧我，我喺度喊，佢就指住爸爸話：『我要你離開呢個屋企！因為我唔想你再鬧媽咪，你返去自己屋企啦！』然後佢走埋嚟攬住我，叫我挨落佢膊頭度話：『媽咪，你唔好再理嗰個人（指爸爸），你記住我同妹妹都會好錫你，雖然妹妹仲係BB，但我會教佢。』」
Cathy曾是老公事業及家庭上的得力左右手，可惜最終卻遭到背叛。她細述在第一段婚姻中經歷的種種打擊，當她提及爭奪撫養權事宜時，一度表現激動。雖然第一段婚姻沒有為她帶來好老公，但卻讓Cathy得到兩名懂事可愛的女兒，除了大女兒的窩心，Cathy在節目中更自白對小女兒的愧疚，其間數度強忍淚水。
圖片來源：TVB
港生活人氣娛樂新聞
↓【限時搶⚡】森源安睡足艾貼↓
↓吸走體內毒素｜改善血液循環 ↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
