街市攤檔眾多，檔主要吸引，除了食材要新鮮，低廉的價格亦是另一吸客方法。最近就有網民發現，一個海鮮檔推出100元海鮮套餐吸客，有4款常見海鮮，包括魚、蝦、帶子和蜆。帖文一出，有人留言大讚抵買，有人計過數覺得不值，亦有不少人指新鮮程度才是關鍵。
近日，在Facebook群組「香港街市魚類海鮮研究社」內，有網民發文指，樂富街市有一個海鮮檔推出100元海鮮套餐吸客，有4款常見海鮮，包括「1條倉魚、半斤海蝦、5隻帶子、半斤大蜆」，他形容海鮮十分新鮮，「條魚都好生猛」，而且攤檔還有多款套餐，他補充，自己試過同檔另一款長腳蟹套餐，十分新鮮，又包清洗、切件，很抵食。而海鮮檔店主亦於《東張西望》接受訪問，指平日大批入貨故可以推出較平價海鮮套餐益街坊，有時更會「蝕本價」發售當宣傳！
帖文一出，有人留言大讚抵買：「頭三樣單買都要30-40蚊吧，半斤蜆當係送」、「當然係平啦，如果是新鮮的更是冇野講」、「正喎，唔洗諗買咩」。有人計過數覺得不值：「一般。黃立倉$28；海蝦半斤$29；帶子（沙插）$30份6隻；大蜆半斤$14。所以，1d都5抵，只係有d魚檔好衰，平價海鮮最低消費係一斤」、「根本無點平，黃立倉30；沙插帶子30蚊；半斤蜆15半斤；蝦25蚊半斤」、「養黃立倉唔好食，蝦可能俾基圍蝦你，帶子本身就係平野，最值$可能係D蜆……」亦有不少人指新鮮程度才是關鍵：「全部生猛就抵，如果係瞓覺就唔買」、「咁樣睇就好似100蚊買到咁多樣野，但倉魚大定細，鮮定死都爭好遠價錢，要買過先知」。
來源：香港街市魚類海鮮研究社
►同場加映：【衝出嚟玩】南丫島北角碼頭出發！全平路家樂徑30分鐘抵達榕樹灣大街！牙較灣眺望發電廠三支煙囪打卡
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
