ViuTV全新節目《晚吹 - 讓我一次買個夠》日前正式首播，第一集邀來伍詠薇擔任嘉賓，分享購物的經驗趣事。不過，伍詠薇在節目裡似乎表現得寸寸貢，被指不斷擺款、反白眼、嘴藐藐、背脊「得」住人，期間又句句狂窒主持練美娟（娟姐），場面氣氛多次陷入尷尬，娟姐更表現恭敬地打圓場執生。節目播出後，引來大批網民批評伍詠薇有欠禮貌，同時力撐娟姐專業！
事件被廣泛報道後，娟姐於IG限時動態為伍詠薇講好說話，寫下45字：「今日收到好多inbox，多謝大家對新節目咁留意，睇電視輕鬆啲，其實伍姑娘好nice對我好好，希望下次有機會再合作。」
節目一開始就先公開伍詠薇的個人使費開支比例，主持當奴和娟姐追問住屋費事宜，伍詠薇就補充：「平時係唔夾㗎，有時我會畀下咁樣囉。」娟姐即打趣接一句：「隨心啦呢啲。」伍詠薇頓時表現得不耐煩，當場反了白眼，並說：「呢啲係我嘅家事，唔關你哋事好冇？關你哋咩事啊。」
其後，伍詠薇分享了自己喜歡吃「兩餸飯」，娟姐報以一臉驚訝，卻被伍詠薇開聲鬧：「你而加咩態度呀？你問我嘢時你唔准笑！」用詞相當不客氣，氣氛尷尬至極。
之後轉話題講到伍詠薇有接近400多套內衣及睡衣收藏，伍詠薇就揚言後悔沒有穿過這些睡衣拍攝寫真，娟姐即以鼓勵回應：「可咩惜姐，你咪而加着番再影囉！」不過，伍詠薇聽畢就嘴藐藐、戚眉戚眼，語帶尖銳反擊，對住當奴說：「佢唔好以為自己身材好過我，講埋啲咁嘅嘢。」娟姐即時激動解釋：「我梗係唔係啦，真係可以，有心唔怕遲！」再向當奴求救：「你講！你公道！」顯見氣氛尷尬。
接著，伍詠薇似乎仍然未收起把火，介紹一條多年前買入的金色腰鏈，炫耀自己當年的纖腰身材，更對住鏡頭問「你有冇咁幼條腰？」又表示經過二十多年後仍然能穿得下，寸住講「你又吹我唔漲？」，同時又側目望向娟姐講：「唔知你又戴唔戴到呢可？唔答啦，我自己戴啦」，而當時的鏡頭亦未有影向被狂窒的娟姐，相信現場火藥味甚濃。
節目播出後，大批網民批評伍詠薇有欠基本禮貌，言論舉止都不尊重兩位主持，被狠批多次針對娟姐令其難堪，作為嘉賓相當冇品。另外，亦有許多人大讚娟姐主持表現專業，能一直沉住氣不反駁、不黑面，更落力為嘉賓打圓場執生，令人讚好！
►同場加映：【衝出嚟玩】南丫島北角碼頭出發！全平路家樂徑30分鐘抵達榕樹灣大街！牙較灣眺望發電廠三支煙囪打卡
圖片來源：節目截圖
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
