網民熱議：用咩方法搵裝修公司先冇伏？ 搵朋友介紹？搵YouTuber？定係搵多幾間去報價？

搵熟人做都會中伏？搵熟人做其實對雙方都唔好？
樓主表示聽說裝修工程就算搵相熟嘅人介紹去做，都可以爛尾收場，所以就問到網民究竟會點樣去搵裝修公司：「大家點搵裝修公司？聽過熟人介紹都可以爛尾，反而唔識唔熟仲會跟合約做野(嘢)，但都聽過爛尾收場，依加YouTube睇到d(啲)裝修片，搵左(咗)兩三間報價，都係估估下(吓)」，有網民就分享自身經驗，指搵熟人或親戚幫自己做裝修都冇好結果：「熟人介紹/親戚都試過，大幅延期+超多瑕疵/爛尾」、「好親嘅親戚整，結果仆晒街」，更有網民認為搵相熟嘅親友去幫自己做裝修，其實對雙方都冇好處：「其實搵熟人做對兩邊都唔好，師傅做得x你又冇得x，個客又要比(畀)友情價，寧願比(畀)貴少少，去出(出去)搵人整」。

有網民指裝修工程就算找親戚或相熟的人來處理，都一樣會出現中伏及爛尾的情況。

有網民則認為裝修工程不應找熟人處理，因對雙方都並沒有好處。

可於社交媒體上搵？搵YouTuber更好？
而有網民就建議可於Instagram同YouTube等嘅社交及影片平台上搵裝修公司：「之前(喺)instagram搵到啲室內(設計)公司，裝修過幾好，有交代」、「搵youtuber，昌師傅、阿Lo、住家choice，有咩不滿可以上網數臭佢」、「一樣諗法，段(斷)估如果佢做得差嘅話，佢都驚起(喺)網絡上被唱衰掛（啩）」，更有網民指YouTube上所搵嘅裝修公司更勝於喺其他地方所搵到嘅：「YouTube都係果(嗰)幾個，但好過搵街師傅」，不過有網民就表示於網絡上嘅裝修公司未必信得過，建議搵一啲朋友曾經試過嘅裝修公司：「千祈唔好信youtube、facebook啲廣告，最好搵朋友試過嘅公司或師傅」。

有網民指可於社交媒體Instagram上尋找裝修公司。

亦有網民認為找一些裝修影片創作者會較好，因他們會怕被客戶「唱衰」，可減少中伏機會。

慳錢可搵判頭但質素唔會好好？唔好怕嘥時間要貨比三家？
亦有網民指出搵判頭做裝修工程會較平，但設計就未必會好：「你鍾意慳錢既(嘅)，就搵判頭，幫你做野(嘢)，但你預左(咗)d(啲)設計唔會好好，好多野(嘢)都唔會比(畀)意見，你想做A，佢就比(畀)A你，佢唔會幫你思考A襯唔襯成個屋企」，有網民則認為搵裝修公司千祈唔好怕嘥時間，建議應要貨比三家：「試過係(喺)facebook搵左(咗)6,7間design裝修公司，逐間上去睇+傾，拎報價單，之後每樣細item做comparision，睇下(吓)人地咁樣寫詳唔詳細，千其(祈)唔好怕哂(嘥)時間，每一次見面，都會學到野(嘢)」、「兩三間報價估估下(吓)，咁咪搵多十間八間去報就實架(㗎)啦」。

有網民指若找判頭承接裝修工程可節省不少金錢，但質素卻不會有保證。

亦有網民認為找裝修公司需貨比三家，要找多間不同裝修公司去評估裝修工程的質素。