網民熱議:買樓揀港島區先係最好?港島區配套成熟又多名校?完勝啟德同康城?

文: U Magazine
2023.03.28

早前政府落實將於啟德發展區興建簡約公屋,消息一出就引起社會各界議論紛紛,而相比起尚有許多未知之數嘅新發展區,發展已成熟嘅港島樓其實係咪會更好呢?最近就有網民喺連登討論區上發文,指配套成熟嘅港島樓完勝啟德以及康城等新發展區嘅樓,建議要買樓都係揀返港島區嘅樓,因而就引起一眾網民熱烈討論:買樓係咪買港島區嘅樓先係最好?

買樓應買港島樓?港島樓舊易有滲水問題?
樓主表示啟德以及康城嘅私樓早前一直被受追捧,但現時區內發展前景已破滅,所以認為買樓始終應買配套成熟嘅港島區樓:「早2年啟德同康城班傻仔又話新樓又話中產區,不斷吹美好願景,攪(搞)到理(呢)2區d(啲)樓升得特別多,家下夢想破滅晒,攪(搞)隻黑天哦(鵝)出黎(嚟),買樓都係買西環到太古城,所以野(嘢)發展晒,唔會比(畀)人亂9咁黎(嚟),配套成熟又名校區又可以大聲講自己係港島人」,對於樓主認為買樓應買港島樓嘅睇法,有網民就認為港島區嘅樓太舊,單位會易有渠管以及滲水嘅問題:「咁舊又隔水(涉),都唔知有咩好」、「啲渠同滲水係最大問題」、「舊樓就好多呢味野(嘢)」

樓主指港島區配套成熟,不像啟德以及康城等新發展區或會出現對業主不利的發展,建議買樓應買港島區西環至太古城的屋苑。


但有網民則認為港島區有不少屋苑樓齡大,大廈容易會有渠管以及滲水方面的問題。


港島樓樓價跌得勁?投資價值不佳?
而有網民就認為其實港島區嘅私人樓於近年樓價下跌幅度大,抗跌能力已大不如前:「由西環到太古城樓價先跌得多」、「真,港島呢幾年跑輸晒,升又最遲升,跌又跌得最急,啲傻x仲以為港島樓抗跌,仲以為你二十年前」、「依幾年唔好講太古城、杏花村,就算西半山同海怡半島個價都差。除左(咗)南區中西區啲豪宅地段,其他港島區根本已經大不如前。特別係港島東」,亦有網民認為港島樓作自住雖方便,但論投資價值確實不佳:「港島跑輸左(咗)好多年wor,舊城區始終好多limitation,食下(吓)老本唔跌係ok既(嘅),講投資價值就雞d(啲)lor」、「冇錯,港島舊樓現價就有跌冇升,新樓就單支比(畀)人cap盡溢價,仲好意思拎出黎(嚟)講,自住而附近番(返)工係方便既(嘅),但你要保值甚至升值真係不了」

有網民指港島區有不少私人樓的樓價於近年下跌甚多,已不像以前有良好的抗跌能力。


亦有網民認為於港島區自住雖方便,但卻不利於作投資用。


港島樓投資回報唔高但風險低?投資新發展區好睇彩數?
不過亦有網民指投資新發展區嘅樓需要睇彩數,買港島樓雖回報較低但風險亦會較低:「港島本身配套成熟最多都只係跟大市升,康城果(嗰)d(啲)人地真係捱返黎(嚟)同博返黎(嚟),睇彩數,一個唔覺意好似深井果(嗰)堆咁就gg」、「有升值potential=周邊待發展=好住極有限,而且待發展=賭,賭輸就食蕉,唔好住+跑輸。買好住的區=發展成熟=無發展空間=跟大市」、「Risk低,投資回報低啲好正常」

有網民認為投資港島區的住宅物業回報不高但風險亦相對較低。


港島區交通方便?生活配套齊完又多嘢食?
而有網民就論於生活嘅角度,認為港島區交通方便以及應有盡有,始終會較其他地區好住:「其實港島大把20年下嘅樓都企得好硬同只係尺(呎)價貴幾千,唔明點解要為左(咗)住新樓去大西北同康城,住細啲都唔洗(使)浪費咁多時間係(喺)交通,更可(何)況你住得香港就係貪佢方便唔(通)貪佢啲屋大咩」、「港島生活配套無x敵,要咩有咩,你唔好話俾我聽啲新樓所謂配套就係樓下個商場下(吓)」、「港島at least食野(嘢)多選擇,高質,唔似啲所謂大商場日日個(嗰)幾間大型連鎖,你想做運動有免費運動場,有錢嘅去gym room大把24小時」

有網民認為港島區交通方便,相比起如康城等新界地區更為好住。


亦有網民認為港島區生活配套完善,用餐方面亦有多間高質素餐廳可選擇。


text/Jonathan
photo/HKET圖片庫

========
同場加映:
【蝸居睇樓團】鴨脷洲37年舊樓變身玩味彩色屋+西班牙風花磚襯湖水綠色、chill爆全白天台

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓