網民熱議：倒滾水落鋅盤其實有冇問題？有機會令膠喉變形？會溶解接駁用嘅膠水？

滾水到底倒得定唔倒得落鋅盤？
樓主表示分別從兩個通渠師傅口中聽過對於倒滾水落鋅盤嘅不同見解，因而就令佢非常疑惑倒滾水落鋅盤呢個做法究竟得唔得：「曾經有個渠佬同我講，廚房鋅盆塞咗，倒啲滾水落去，9成機會就通到，之後又曾經有另一個渠佬我講，廚房鋅盆千祈唔好倒滾水，就算倒，要開住水喉同時溝凍佢先倒，究竟佢哋邊個想多啲生意做？」，有網民就認為倒滾水落鋅盤絕對冇問題：「唔倒咁倒去邊，平時煮完野(嘢)啲水已經熱啦，一定可以」

樓主指不同的通渠師傅分別對熱水可不可以倒於鋅盤的意見有分歧。

熱水會溶膠？會令膠喉會變形？
但有網民就支持鋅盤唔可以倒滾水嘅說法，認為熱水會整溶鋅盤接駁去水喉嘅膠水：「因為星(鋅)盤接駁去水喉嗰個位係用膠水黐，落熱水會整容(溶)佢」、「大滾水有機會熔膠，點計都係溝凍小(少)小(少)好啦」，更有網民指熱水有機會令膠喉變形以及對隔氣造成影響：「長期咁做條膠喉會變形」、「唔止，仲驚你整到隔臭(氣)」，不過有網民就反駁指熱水並唔會令膠水溶解：「咪玩啦，就算你倒100度滾水落去，浸佢兩三分鐘都唔會溶」

有網民認為熱水不可以倒於鋅盤，因熱水會令接駁去水喉的膠水溶解。

亦有網民認為長期將熱水倒於鋅盤會令膠喉變形以及影響隔氣。

PVC膠喉唔怕熱水？鐵喉遇熱水會冷縮熱脹？
對於熱水會唔會對膠喉造成影響以及溶解接駁去水喉嘅膠水，有網民就進一步解釋指熱水並唔會對常用嘅PVC膠喉造成傷害以及唔會溶解膠水：「PVC加熱會變軟，冷卻後會回覆(復)堅硬，佢設計喺俾人加熱塑型，普通熱水唔會傷喉啦，至於膠水，我哋平時要解番(返)開件配件都要用噴燈燒幾10秒先會甩，都唔(係)熱水可以達到嘅温度啦」、「PVC膠管熔點係185度，所以熱水無問題，滾油會gg，PVC管的連接位是熔合兩邊的水管，接合後沒有膠水留下，所以唔會“熔咗啲膠水”」，亦有網民指若喉管以鐵做成就唔可以倒熱水：「叫你唔好倒既(嘅)師父停留左(咗)係(喺)廿幾年前，以前D(啲)喉係用鐵做，你一倒冷縮熱脹就會爆喉...但而家好多都轉哂pvc喉就倒得」

有網民指PVC膠管熔點高達185度，熱水並不會對喉管造成傷害之餘亦不會令接駁喉管用的膠水溶解。

有網民則指出用鐵製造的喉管才會遇熱水時造成冷縮熱脹並爆烈。

鋅盤塞咗倒熱水可解決？更應用於日常保養？
網民亦討論到若鋅盤嘅喉管塞咗，用熱水到底可唔可以令喉管通返，有網民就指因鋅盤塞多數係因為油脂，倒熱水確實可以減少阻塞：「廚房用熱水work，因為通常係d (啲)肉既(嘅)油脂凝固。如果浴室去水就頭髮，要搵工具整出黎(嚟)」、「有次廚房sink(鋅)盤塞咗，個渠佬來通渠時都話倒滾水落去可以減少阻塞。之後呢個方法都用咗幾年，條渠好暢通。因為好多時條渠係畀啲凝固咗嘅油(即係脂肪)塞住，一倒熱水落去溶返佢就解決到」，不過亦有網民指塞咗先倒熱水並冇用，其實應用於日常保養上：「倒熱水係唔想啲油脂凝固積聚，塞先倒就無x用啦，塞咗就搵人通啦，倒熱水都係通渠佬教，呢啲係日常保養嚟，油份積聚係點隔都無用，有拆過廚房喉嚟清潔就知積得幾勁」

有網民指熱水可溶解油脂，有助減少鋅盤的喉管阻塞。

有網民則指若鋅盤喉管已塞後再倒熱水其實並無效，倒熱水於鋅盤應當作日常保養。

text/Jonathan
photo/HKET圖片庫

 

========
同場加映：
【蝸居睇樓團】沙田半山夫婦+500多啦A夢甜蜜愛巢！山景閱讀區+鳥居型框架增展示空間