雖然服務業不時都會遇到「西客」，但其實偶爾亦會遇到「好客人」！日前有名的士司機在Facebook發文，分享自己返工遇上爽快豪客，不單止直接「包車」由九龍灣國際展貿中心前往多個地方，其後更因為一個小舉動獲得超過$1,000報酬，有興趣可入內文睇詳情啦！
最近就有的士司機在Facebook群組「的士司機資訊網 Taxi」發文分享，指自己終於遇上一個「爽快唔計到足」的乘客，自言經常遇上「西客」的他於周二（8日），在九龍灣國際展貿中心附近遇上一名「拉門客」（指沒有事先預約、在街上截車的乘客），閒聊過程中得知對方從內地到港，並打算購買幾架車輛到深圳供下屬使用，不過就沒有在九龍灣國際展貿中心找到想要的款式。
的士司機一聽，就建議乘客可去元朗車場了解，而乘客亦因此直接「包車」前往去元朗八鄉、灣仔一號車場睇車。其後乘客再要求的士司機接載他到西貢取回私家車，期間他表示自己平日有聘用司機，只是剛好對方今天放假才會選擇乘搭的士。
到達西貢後，乘客非常豪氣繳付了$2,000，當中車費連附加費合共$1,065，換言之乘客給予了$935「大額貼士」。本來 以為車程已經告一段落，沒想到該名乘客的私家車竟然「爆咗胎」，於是的士司機好心幫忙「車咗條胎去西貢補胎」，他坦言當時從未想過收取報酬，「就連$60都沒有想過收，但車到返去俾佢，佢唔該前唔該後仲塞咗$500俾我」。
的士司機全日合共獲得至少$1,000的「大額貼士」，他直言今日難得一遇，「係我今日有運，收工！」同時他也補充道，自己發文分享並不是為了「曬命」， 而是認為「爽快又唔會計盡嘅客，真係少之又少。十個陀地客都唔知有冇一個咁疏爽直接，唔係話陀地客唔好，係我冇運未遇上姐」
帖文一出，不少同業都紛紛作出回應，有人認為內地乘客向來比本地客豪爽，「事實係～香港人又邊有咁好」、「因為你遇到的不是香港人」、「內地大部份人明白等價交換，香港部份人明白低價交換」，更有人直言是香港人才會「搭的士要R折又閹尖聲悶。」
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】請您飲Sundrop桔仔水！↓
↓ 清涼消暑必備！原裝馬來西亞進口 / 富含高維生素C / 健康無添加！↓
↓【U Jetso】健之堂艾草滲透止痛貼套裝！↓
↓ 專業中醫藥教授及註冊中醫師親自調配！無西藥副作用及水楊酸！ ↓
