網民熱議：天氣潮濕唔應該洗衫？想洗衫又有咩辦法？洗完仲多咗細菌？應用防霉洗衣粉？拎啲衫去磅洗？

潮濕時衣物幾日都唔會乾？洗完嘅衫仲多菌過未洗？
樓主表示最近天氣潮濕，屋企亦冇抽濕機，媽媽除咗閂晒全屋嘅窗之外仲唔畀洗衫，因而就令佢對潮濕時唔可以洗衫嘅觀點感到疑惑：「連呢幾日著完嘅衫佢都唔畀我地（哋）洗，話洗左(咗)好難乾，就連著過嘅內衣褲，佢都唔肯開機洗，話洗完都唔會乾，洗嚟做咩，但係啲衫唔洗真係臭啦，要點著出街啵！唔通天氣一直濕就唔洗衫咩？」，有網民就認為於潮濕嘅天氣的確係唔應該洗衫，衣物會晾幾日都唔乾，會更容易滋生細菌：「up(噏)住up(噏)住唔乾，細菌滋生速度快，十幾個鐘後洗完既(嘅)衫仲多菌過未洗」、「早幾日潮濕天氣，洗咗啲衫3、4日都吾干(乾)，仲有陣UP(噏)味，所以真係吾(唔)好洗，內衣褲洗咗就用風筒吹乾」。

有網民指於潮濕時洗好的衣物用上幾天都無法乾透，還會有異味產生，認為不應於潮濕時洗衣。

亦有網民指洗衣後衣物若長時間不乾的話，細菌會滋生得極快，衣物會比起未洗前有更多細菌。

應買抽濕機、乾衣機？拎去洗衣店磅洗？
有網民就建議如果潮濕時想洗衫嘅話，就應該要用上抽濕機或乾衣機：「不如買部抽濕機番(返)屋企？」、「買番(返)部乾衣機咪alright囉」，亦有網民推介可於淘寶買乾衣神器：「去淘寶買個乾衣神器啦，一百元左右咋」，另有網民就指可將衣物拎去洗衣店磅洗：「拎出去磅洗啦」、「攞去洗衣舖俾人洗啦」、「拎出去自動洗衣乾衣有幾難，個零鐘頭已經可以放返入衣櫃」。

有網民認為當潮濕時洗衣後可用上抽濕機、乾衣機或乾衣神器。

有網民則建議天氣潮濕時可到洗衣店將衣物清洗。

怕唔乾淨可用衣物消毒液？洗少幾件再用防霉的洗衣粉？
樓主其後就補充指唔想將內衣褲拎出去洗衣店洗，怕會唔乾淨：「啲底衫褲唔係咁想拎出去洗，怕出面唔乾淨呀」，有網民就指若衣物唔洗，會比起於洗衣店洗有更多病毒及霉菌，建議如果怕唔乾淨，洗衫時可自行添加衣物消毒液：「驚就自己加衣物消毒液一齊洗，唔洗病毒霉菌仲多過外面洗N倍」，亦有網民建議若堅持喺屋企洗衫的話，可選用一啲防霉嘅洗衣粉以及唔好一次過洗太多衫：「污糟衫一定要洗，試下(吓)每次洗少幾件，選防霉的洗衣粉/液，fling乾D(啲)，分開地方涼(晾)」。

有網民指洗衣時可添加衣物消毒液以確保衣物清洗得乾淨。

亦有網民建議於潮濕天氣在家中洗衫時可選用有防霉功能的洗衣粉，並將洗衣量減少及將衣物分開地方晾起。

text/Jonathan
photo/HKET圖片庫

========
同場加映：
【蝸居睇樓團】開箱實試！灣仔新開酒店式服務住宅 雙面櫃間隔夠實用 300呎間到房、廳、梗廚