最新一份《財政預算案》已於今日發表，政府推出一系列派糖政策及紓緩措施，而且更宣佈將於今年4月起派發新一輪$5,000電子消費券。對於今年的財政預算案，市民反應兩極，有政黨及中產階層認為本港經濟已逐漸回歸正軌，反對政府再派消費券，同時亦有市民於網上討論區發帖列出3點，直指中產階層反對派錢只撐退稅的行為「好自私」，即入內文睇詳情啦！
財政司司長陳茂波已於今日（22日）公布最新一份2023/24年度《財政預算案》，今年重點政策包括延長公共交通費用補貼計劃、電費津貼$1,000、寬減100%薪俸稅、個人入息課稅、派發新一輪$5,000電子消費券等。但市民對今年財政預算案反應兩極，有政黨及中產階層認為本港經濟已逐漸回歸正軌，加上現時已步入後疫情階段，不同意政府再發放消費券。
另一方面，亦有網民在LIHKG 討論區以「覺唔覺得啲離地中產成日話要退稅唔好派錢好X街好自私？」發帖，其後更列出3點作反擊。第一，他認為政府本來的角色就是財富再分配，直斥「如果交稅交得多就要退多啲稅，而窮人又冇份既話，咁要個政府做乜？」
其次，他表示全部香港人的生活都有受到政府政策影響，如高地價政策、政策向某階層傾斜導致低下階層向上流動機會減少、樓價物價飆升等，「每個人都受緊害，點解唔可以用派消費券甚至派錢呢個方式賠償畀每一個有份受害既香港人，還富於民？」第三則是認為現時很多中低下階層一方面未能向上流動，另一方面又因為剛好過了資產上限，而無辦法享有社會福利，只有派錢才可以真的惠及。
樓主其後更指出「你哋依家又唔係冇份拎消費券，純粹只係想自己拎盡著數，而睇住生活比自己差嘅人乜都冇」，同時也認為「自己交嗰幾個錢稅就當正自己大爺咁，薪俸稅佔香港政府收入兩成都冇，但就想獨佔全部社會資源」，直斥這上中產人士離地又自私。
不過網民看過帖文後，似乎就不太認同樓主的看法，紛紛留言「退稅係還富比有工作貢獻既人，派錢係派埋比堆老綜廢老新移民」、「點解要中產夾心階層賠償？」、「雨露均沾 咁我都唔想返工了」。
▼即睇更多電子消費券資訊▼
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
