相信有不少人都會使用的士召車APP，叫車方便之餘又可以預估車資、等候時間。不過最近有網友網上發文，指有乘客搭的士「好似揀老公咁」，不單止要求從機場酒店前往青衣全程車費只收$80，而且更列出可直接上落輪椅、指定車款等5大要求。帖文隨即在網上引起熱論，有網民直斥「輪椅的士淨係柯打費都120」，即入內文睇睇啦！
早前有網友在Facebook群組「青衣街坊吹水會」發文，指有青衣街坊搭的士「好似揀老公咁，咁多擇偶條件」，並貼上一張召車程式截圖，圖片可見該乘客要求從赤鱲角富豪機場酒店前往青衣涌美老屋村附近，不單止提出「定食$80（即不按錶收費，全程車費一口價$80）」，而且更在訂單中提出多個要求，如司機須為非吸煙人士、車程中有停站、車款只混能電動車、可直接上落輪椅等。
同時乘客也表明自己「急要車」，要求的士需在5分鐘內到達接載，但同時又要對方「不介意等」，指自己會在車輛抵達後10分鐘內上車。
今次事件隨即在網上引起熱論，不少網民認為該乘客要求非常多，但又不願意按錶收費，紛紛直指「咁多要求，出$800就會有反應」、「要求多多但就係80 真係好豪爽好吸引呀！」、「輪椅的士淨係柯打費都120」、「急要又唔介意等 姐係急定唔急呀」。另外亦有網友分表示，有相熟的士司機指該乘客早被列入黑名單，「每日都call但係每日等完都唔要架車，明搞事既，所以call台都照出 但係無司機接既」。
來源：FB@青衣街坊吹水會
」，
App內睇文同睇片可隨時捕捉U Fun彩蛋，
換領現金券及禮品！
↓【送】鴻福堂嚐月精品月餅禮盒！↓
↓迷你流心奶黃／宇治抹茶／陳皮豆沙月餅↓
↓【U Jetso】健之堂艾草滲透止痛貼套裝！↓
↓ 專業中醫藥教授及註冊中醫師親自調配！無西藥副作用及水楊酸！ ↓
