慳妹王君馨名牌衣帽間曝光 背囊用足6年甩晒色!呢款名牌袋儲4年錢先捨得買?

文: 黃樂恩
2023.03.06

一向「慳得1蚊得1蚊」、平時出入都是搭港鐵的王君馨(Grace),早前就擔任馬天佑YouTube頻道「MUSE TV」的嘉賓,在影片中公開自己的名牌收藏品,身為慳妹的她足足考慮了4年才入手LV手袋,當中更有一個7千蚊的背囊用足6年,即使甩色都捨不得掉?即入內文睇睇啦!

從影片中可見,王君馨的衣帽間以白色為主,整體風格簡約,房門一打開就是窗台,至於窗台前是一張白色化妝枱,而房間兩旁則是大衣櫃以及專門放高跟鞋的鞋櫃,無論是衣服、飾物還是鞋子都分類擺放好。

王君馨首先介紹了飾物部分,平時很喜歡戴飾物的她,不單止有齊不同大小、材質的圓圈耳環,而且她更特別介紹了4年前所買的Dior頸鏈,大爆自己以前不敢入Dior,直到一次逛街時被好朋友陳靜(Dada)帶到門市,王君馨才一次過入手了兩條Dior頸鏈。

其後王君馨更介紹自己的鞋櫃,當中就有一對由Jimmy Choo的創辦人周仰傑親自設計的婚鞋,她提到兩人曾在吉隆坡機場相遇,當時對方主動上前打招呼,其後王君馨更鼓起勇氣交換大家電話號碼,二人更在馬來西亞吃過幾次飯。而周仰傑其後親自設計兩雙高跟鞋給王君馨,「一對就係結婚嗰日著嘅,你見到有好多著過嘅痕跡,另一對就係for keep,著都冇著過,好有意義,所以 I really love them!」難怪這兩雙高跟鞋成為王君馨衣帽間內最有意義的東西。

除了飾物和鞋櫃,今次王君馨還介紹了名牌手袋,當中有款LOUIS VUITTON手袋是她考慮了4年才決定入手,「我鍾意咗佢四年,太貴啦,我今年咪去內地做跳舞比賽入咗決賽嘅,我同我老公講,我ready去買呢個袋喇!」但老公知道後卻堅持要送她作為禮物,並表示「三年都冇買過禮物畀你,let me get this for you!」最後王君馨終於入手這個價值$45,500的LOUIS VUITTON手袋。

最後王君馨更介紹自己返工必備手袋,原來是一個價值$7,600的黑色Versace背囊,「我連續6年喺TVB每一日返工拍劇都用佢,Versace個鼻都甩色」,其後她更指自己找不到地方睡覺時,更會直接用背囊「墊住個頭睡覺」,一個背囊用足6年,即使甩色都捨不得掉,沒想到王君馨私下原來咁慳家!

授權轉載︰Youtube@musetv_hk

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓