馮允謙演唱會2023｜MC張天賦驚喜現身靚聲合唱 尾場獲張學友拍片隔空打氣
馮允謙一連三場《AXA安盛呈獻 JAYPOP LIVE@COLISEUM 馮允謙演唱會 2023》紅館演唱會圓滿結束，全場反應熱烈，尾場表演嘉賓除了繼續有大馬女神林明禎，更有MC張天賦現身合唱，而「歌神」張學友更在Encore環節透過短片驚喜打氣，大讚Jay真誠有禮，如果其父母向他「過兩招」教子心得，他願以擔任Jay演唱會嘉賓作回報，掀全場歡呼。
Jay的家人與女友、圈中好友李幸倪（Gin)、許廷鏗、黃淑蔓、林家謙、Serrini等人都前來尾場睇騷。之前兩晚林明禎於Jay唱完《Versace on the floor》便離場，而尾場林明禎終於開金口，他們手拖手到舞台中間，Jay原本要對她說謝詞，卻緊張得舌頭打結，明禎建議他用普通話，結果Jay將「三晚」說成「三萬」、「嘉賓」說成「揸冰」、「心地好」說成「身體好」，全場爆笑。
►同場加映：【衝出嚟玩】超簡易2小時港島東歌連臣角砵甸乍山郊遊徑路線！從筲箕灣站出發、到終點觀海亭睇海岸靚景
另一位表演嘉MC則與Jay則合唱了《世一》，Jay表示自己曾經為MC寫過一首歌，他感謝MC把歌唱紅了，而那首歌就是《反對無效》，MC表示當時聽到第一句就愛上，希望Jay寫了這歌和《世一》之後，攜手作一首新歌由Jay主唱，Jay笑說：「我會，如果唔太難聽的話。」
於Encore環節，台上大銀幕突然播出「歌神」張學友的打氣短片，連Jay都表示好驚喜。片中學友說：「多謝Jay嘅父母鍾意我，喺Jay面前經常播我啲歌，影響佢聽中文歌，呢個好重要，係我哋身為歌手嘅其中一個功用。我亦要恭喜你哋，我有事想請教，我覺得你哋好成功養育出Jay成為好體面嘅人。我記得第一次見Jay，已經覺得佢非常陽光，一看上去就係可以付託終身、好老實、可以信賴嘅年輕人。我想問你哋點樣教到個仔咁樣？我自己都兩個女，希望有個機會你哋教我，我便去做Jay演唱會嘉賓。」Jay都開心到難以置信。
在結束演唱會後，馮允謙還邀請全場觀眾大合照，卻意外發現歌迷早已預謀，向觀眾秘密派發了手幅，全場高舉「See You Next Time」手幅，預祝他盡快再開演唱會，馮允謙感動萬分。完場後歌迷不肯離場，全場不停踏地大叫「Encore」，Jay再度出場唱《愛斯基摩人之吻》和《How many times》，給歌迷留下了美好回憶。
【延伸閱讀】
港生活人氣本地熱話
↓【限時搶⚡】森源安睡足艾貼↓
↓吸走體內毒素｜改善血液循環 ↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
