近日有網民在社交平台發文大呻，指為友人做兄弟團卻受一肚氣，兼細數庹縮婚禮8宗罪，包括求婚欠規劃、埋怨兄弟不上心、婚禮當日行程混亂、兄弟利是金額太少、新郎岳母怒罵兄弟團、要求兄弟隨傳隨到、以殯儀館名義租旅遊巴等。相關截圖被轉載至連登討論區，引來網民熱烈討論。
根據轉載截圖內容，有港男早前為友人擔任兄弟團，不過由協助籌備求婚至婚禮當日的經歷，就令港男大為不滿，於是在社交平台「爆發」。該名男子指友人對求婚態度敷衍，「話就一齊Set，但你就咩都唔做就純癱咗係張床」，又稱「要人教你先識到單膝跪地求婚」。
其次，到了籌備擺酒時，其他均為巴士司機的兄弟需要輪班工作，友人卻責怪兄弟不上心，怪兄弟不用視像會議程式開會。港男直斥「人哋揸緊巴士，你叫人哋開teams（視像會議程式）？你想人死早講吖嘛」
然後是婚禮當日行程混亂，港男稱「我哋問你行程，你都唔知道個行程係點」，一時話一齊搭車、一時叫兄弟落車搬外賣。因溝通混亂，兄弟團未知外賣預備了自己份量，就被新郎岳母辱罵浪費食物。
做兄弟團出心出力，卻換來友人怪責不上心，還要被友人岳母粗口怒罵，港男自覺受氣！他又透露，「咩都我哋搬，幫手拎少少好輕嘅嘢都唔肯，落緊雨又唔肯幫我哋擔遮，全部隔岸觀火。」再者，友人嫌$500伴郎衫貴唔願租，條褲「質地又衰過人，未夠一朝就壞不斷跌，畀多少少錢搵間好啲嘅都唔得。」
新人一般都會準備一間房給兄弟姐妹團休息，不過庹縮友人就有其他做法，「拉走啲幫手既兄弟，14:30叫人哋出去自己去搵新嘢搞，16:30前返嚟。」兄弟出去不久，又收到短訊要提前15:15到酒店，「家陣我哋係咪醫生？on call 36小時？」
兄弟利是不是酬勞，但亦是一對新人答謝好友為自己的婚宴奔波勞累的心意，未料友人只給了兄弟團兼司儀的自己共$140。「女家畀$20，男家畀$100，作為司儀嘅我，女家再送多$20畀我，完美地形容『節儉』兩個字。」最令人震驚的是，中國人講究吉利意頭，沒想到新人疑為節省成本，不租花車，更以殯儀館名義租用旅遊巴！「比個司機問我哋究竟呢單係紅事定白事」，十分尷尬。港男續指「人哋個個結婚都洗四、五十萬，佢就係靠咁庹縮先縮到去廿萬」。
►同場加映：【今期Chill抵】香港君悅酒店燒烤自助晚餐優惠！歎波士頓龍蝦/和牛/多款BBQ烤肉
及後新郎亦在社交平台發文反駁，他指自己如果識求婚，一早就不用找他們幫手。又稱「行程就梗係改嚟改去到最後一分鐘都有得改㗎啦，要就我都要平衡各方」。新郎又表示，「食完中午就梗係要搬野啦」「唔通每個人開間房畀你哋休息咩？」，補充「麻煩搞清楚做兄弟嘅只係要配合主人家就可以了。」
至於其中一件令港男氣憤的是，只預訂了兩間雙人床所以自己要睡在浴缸內，新郎則反駁「有阻止過你訓浴缸架，係你話唔洗。」港男則再度發文回應「我去瞓浴缸嘅時候你已經瞓到成隻死豬樣」。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
