旅行移民留學注意！專家教揀喼10個必知 2023最新喼款、邊款物料最耐用(上集)

即睇下集：專家教揀喼10個必知 如何防止海關爆鎖、清潔要靠2個法寶、旅行爛喼賠償有秘訣！

Q1.揀行李喼有咩要注意？1.物料、2.轆、3.目的用途。

用途分為三種︰一是旅行購物，主打輕身、有防盜拉鏈和放大拉鏈。二是滑雪潛水，主打鋁框喼，保護性較強，防止裝備撞爛。三是移民留學，主打布喼、容量大和輕身。

Q2.不同轆的分別？，一般買喼時店員都會介紹揀大轆，但消費者要留意︰1.牌子、2.直徑大小（愈大愈好）、3.數量（雙轆最好每邊 2 個，共 8 個，較穩定耐用。）

建議選擇啤呤軸心和鋼心，承重力較高、更順滑、耐用。

Q3.不同物料的分別？主要為布質、PC 料和 PP 膠。

PC 料︰輕身、顏色較鮮艷、較平滑。

PP 膠︰即水筒膠、較粗糙、韌性較高，不易扔爆。

布質︰容量大、輕身不防水。

Ken 比較推薦 PC 料和 PP 膠，兩款物料各有好處，購買時無乜所謂，最重要 100% PC/PP，不要混合其他物料如 ABS、環保物料等，很易爆開。

Q4.特別場地/ 天氣要點揀喼？建議硬喼，避免布喼，因為布質是吸水物料，處理不當易發霉。而硬喼加防水喼套後就算溶雪也不怕。行完泥地記得要抹喼底，如果唔係久而久之啲泥會卡住個轆就推唔到㗎喇！

達人推薦最佳組合︰硬膠喼 + 防水喼套

Q5.2023 年最新喼款？

1. 盒形喼︰同樣 30 吋喼，但盒形嘅容量係多個長方形。而且穩定性較高，長方形好易倒下，但盒形就會企得比較穩定。

2. 前開蓋喼︰以前唔係太普及得好少款，而家開始愈出愈多，開始玩唔同物料同轆。另外好處還有內籠深、在酒店方便打開、有可拆卸內籠方便清洗。

3. 鎖轆︰另外而家啲轆都多咗 Stop 功能，只要拉一拉個轆就會停。就算個喼擺喺車度，煞制都唔會衝向前。

揀喼達人 Ken 今次先為大家解答 5 大疑問，下集仲會教大家爛喼賠償秘訣、日常保養同埋 UM 讀者獨家優惠，千其唔好錯過啊！

【INFO】
行李部
地址︰旺角彌敦道610號荷李活商業中心 10 樓 1010-11 室
電話︰6732 8865
營業時間︰星期一至六 1-8pm
IG︰kweasyshop

TEXT/Yuen
PHOTO/Kee