自從開返關之後一眾旅行精應該都已經飛咗幾轉，搵返個喼出嚟或者用咗一兩次就發現爛爛哋？原來揀喼都有學問，唔可以淨係睇價錢做人㗎！上集家居達人搵嚟行李喼達人Ken教大家揀喼基本注意事項同介紹最新喼款，今集再教保養方法同最重要嘅爛喼賠償秘訣等等小知識，想入手新喼嘅你記得睇完文先去買啊！
即睇上集：專家教揀喼10個必知 2023最新喼款、邊款物料最耐用
Q1︰買喼想耐用啲要注意邊方面？1. 金屬包角︰行李寄倉時通常個喼因為重，落地時四個角好易爆，買個有金屬包角就可以保護住。
2. 金屬手把︰手把通常係膠做，咁多年冇去旅行，好多人一拎個喼出嚟就爛咗，而家有啲金屬手把承重量大、無柔軟性但較硬淨、入面有四粒螺絲加下面鎖，比較安全，裝重嘢必備。
3. 喼套︰坊間有啲幾廿蚊好似環保袋嘅不織布喼套。套嘅時候下面癡魔術貼，但有機會在運送途中甩，海關都有機會因阻住檢查扔咗去。又或者可以買呢啲開喼都唔使拆出嚟嘅喼套，咁就一勞永逸了！
4. 防盜拉鍊︰即雙層拉鏈，單層會冇咁硬淨同耐用，雙層則不易爆開同較順滑，而 Ken 就最推薦 YKK 拉鏈（即衣物拉鏈）。
Q2︰如何保養行李喼？只需 2 個法寶—白電油和潤滑油（WD40）︰坊間好多酒精濕紙巾其實抹唔到污漬，仲會痴得好緊要。其實只要將白電油倒落紙巾再輕輕一抹就即刻溶到。另外，每次去完旅行都要使用潤滑油抹一抹個轆，噴一噴再剪晒入邊啲頭髮和沙石，咁就會襟用好多。
Q3︰點揀行李喼密碼鎖？建議選擇有美國海關鎖 TSA LOCK 的行李箱，海關有專用鎖匙可以開嚟檢查。另不建議額外加鎖，加鎖只會影響檢查進度，如想加行李帶也可以，而貴重物品應盡量跟身。Ken 指出其實仲有個終極方法保護行李箱，就係喺機場使用 MON 膠包裹服務，價錢不會太貴。
Q4︰點揀手提行李喼？手提行李喼主要分為最輕的布喼、普通款拉鍊喼以及硬殼鋁框喼。Ken 建議最好選擇布喼同拉鍊喼， 因手提行李通常只得 7 公斤或 10 公斤，如非必要都唔會揀重身鋁框喼。另外當然愈平愈好，因唔會扔爛，平就得！
Q5︰旅行爛喼點算好？一落機記得檢查成個喼，特別係底部，如發現有損壞便即刻搵行李認領處。記住個喼爛咗，邊個揼爛，你要搵邊個，維修係另一樣嘢嚟嘅。首先記得要買旅遊保險，冇買就要搵行李認領處。通常根據情況賠償處理，一係俾返相同金額買個新喼一係直接賠新喼。
UM 獨家優惠！28吋、超輕身、鋁合金拉桿、防盜拉鍊、放大拉鏈、8 個轆、TSA Lock、3 年保養行李喼只售 $399 港元，只要同職員講係 UM 讀者就可以超荀優惠價購買！
【INFO】
行李部
地址︰旺角彌敦道610號荷李活商業中心 10 樓 1010-11 室
電話︰6732 8865
營業時間︰星期一至六 1-8pm
IG︰kweasyshop
Text/Yuen
Photo/Kee
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
