來到清明節，拜祭先人是中國人傳統習俗，不過如果是阿哥女朋友的先人又要不要拜？近日有網友在討論區呻被爸爸「下旨」拜山，拜祭對象竟然是阿哥女友的親戚，令網友大感奇怪，直言：「對啲先人嚟講我哋係陌生人。」
有網友在香港討論區以「連阿哥女朋友啲先人我哋都要去拜」為題發文，提到最近收到爸爸Whatsapp吩咐週末拜山，樓主表示自己家人早於4月清明節前已經拜完山，想不到還有哪些先人需要拜祭。
►同場加映：【著數慳家王】柴灣名物$35超巨型魚柳包！每日兩點前賣清光 $29足料雞扒包
樓主的爸爸遂來電：「上個星期咪講好咗同你阿哥女朋友一齊去拜佢啲親戚囉。」樓主表示毫不知情，因為他根本沒有參與那次出街聚餐，更令樓主覺得奇怪的是，阿哥未結婚，不明白為甚麼連阿哥女友的先人都要照顧，他坦言：「我連阿哥女朋友都唔熟點解我都要去一齊拜？」又說：「對啲先人嚟講我哋係陌生人，無端端走去拜佢哋唔奇怪咩？」
原文如下：
點擊圖片放大
帖文引起網民熱議，有網民第一件事是想釐清如果阿哥跟女友結婚，阿嫂的親戚跟樓主是甚麼關係、該如何稱呼，亦有網民指即使阿哥結了婚，阿嫂的先人本來就跟樓主父母沒有關係，認為樓主父母過份熱心，留言：「你阿哥去拜都算, 你老豆老母都要去拜係咩事」「樓主，關鍵在你阿爸身上，咁都得？」「就算佢地結咗婚，我都未聽過有人會去拜阿嫂啲先人。」
來源：香港討論區
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
