衛詩雅分享執喼慳位方法 卷蛋式摺衫法+袋中袋 收納整齊又易搵

===========
同場加映：
【家居達人】專家教營造日系簡約風家居 重視平靜 大地色/小盆栽/地燈

===========

列出易忘記帶物品Checklist
開關後大家都報復式去旅行，但出發前執行李永遠都係一件艱巨嘅任務！護膚品、衫褲鞋襪、充電用品……未出發個喼都已經被塞爆！
希望騰出空間裝戰利品返屋企，咁就要請教經常周圍飛、出埠工作嘅衛詩雅（Michelle）「我有個清單，寫好一啲我經常會忘記帶的東西，如叉電綫、防曬乳、拖鞋等等。如果去一啲較熱嘅地方就有泳衣、泳鏡等等。如果係工作又有另外一個清單，跟住清單去執會比較快同唔會執漏。」

Michelle 更笑話，就算乜都唔記得，毛巾及拖鞋都會記得帶：「護照以外，我每次出 trip 都一定要帶毛巾同拖鞋，因為試過用酒店的毛巾及拖鞋之後皮膚敏感。」

至於Michelle出埠經常使用背囊，因為可以騰出雙手顧及行李。

而她的出埠背囊必備書、頸枕、眼罩、少量護膚品、消毒噴霧、牙膏及牙刷。

分享慳位小貼士：卷蛋式摺衫法+袋中袋收納
究竟Michelle有啲乜嘢執喼小貼士分享呢？「我的方法，會先配搭好當日會穿甚麼，上身衣服襯下身嘅褲，之後會將上衣同褲捲在一起，可以一卷卷放在行李箱。」
至於女仔最緊要嘅瓶瓶罐罐護膚品，Michelle會用一個大的多瓶式液體瓶，將護膚品放在一起。「飾物的話，會獨立放在透明zip袋，再用較大的化粧袋放在一起。之後再用更大嘅衣物拉鏈袋將這些放在一起。」至於鞋履就會每隻用大呎寸的zip袋，咁就唔怕整污漕其他嘢啦！

將各類體護膚品放在這個多瓶式的液體瓶內，方便又整潔。

將飾物獨立放在小的zip袋，再用化粧袋作收納。

將所有零碎的物件，放在衣物拉鏈袋。

將每日襯好的衣服整齊地捲好放在行李箱。

Text/Tabo@chibi
photo/Him
Venue/EMOH®
Wardrobe/MAX&Co. 
Makeup/Kayte Fung
Hair/Wiltam@the salondelotus