老人家搭的士俾錯「外幣」當$20蚊 驚覺值幾倍金額?司機呢個做法被狠批

文: 黃樂恩
2023.04.11

最近有的士司機在網上發文,表示自己返工接載3名老人家,當時他收到2張「20元」藍色鈔票,對方稱毋需找續便下車。事後司機才發現手上的鈔票是歐元,價值相等於約港幣$350。帖文在網上引起熱議,有不少網友指責司機沒有當場提醒,「老人家錢都呃有冇人性呀」,有興趣可入內文睇睇啦!

日前有司機在Facebook發帖,指自己近日在荃灣西如心廣場接載了3名老人家上車,目的地為荃灣美心皇宮,「一程車好快到,途中冇交流,到達後,老人家拎兩張廿蚊紙出嚟」。當時司機已準備找續,沒想到老人家表示「唔使找啦!」便直接下車。事後司機仔細查看,才發現手上的鈔票原來是歐元,當中的價值相等於約港幣$350,讓司機感到非常驚訝,其後司機將錢收下,表示「入行唔耐,第一次收到外幣,亦第一次街客俾咁多貼士。」

帖文一出,隨即在網上引起熱議,有不少網友認為乘客很大機會是認錯貨幣,將外觀相似的歐元誤當成港幣使用,紛紛指責司機沒有當場提醒,並留言表示「老人家錢都呃有冇人性呀」、「成3舊水貼士,好巔」、「老人家以為俾了港紙,好心你收$時提吓人啦。」、「老人家好明顯係睇錯20皮港紙喇,應該同人講比番人,重以為人醒你,反問自己值得嗎?」、「你真心覺得個客真係諗住畀40蚊歐羅你 唔使找?」

另外也有其他網友分享相同經歷,原來也有不少司機接載時,有乘客以外幣付車資,當中包括50、20歐元紙鈔等都有,更有不少網友留言,指「你哋有無去找換店驗吓張銀紙真定假?」

來源: FB@的士司機資訊網 Taxi、TVB劇集截圖@愛回家之開心速遞

►同場加映:【香港周圍遊】直擊香港迪士尼樂園StellaLou x 香港芭蕾舞團新表演!限定45場騷/Duffy好友齊現身

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓