無論係買傢俬電器，定係一家大細訂機票酒店去旅行，大家而家都會用信用卡購物及消費，但不幸地信用卡被盜用個案近年亦持續增加，今年更比去年增加45.1%！而雖然銀行常聲稱「簽帳若與客戶無關」客戶即毋須負責，但事實原來唔係咁樣！有議員就陪同三名信用卡被盜嘅苦主見傳媒，三名苦主都話知道信用卡被盜後已盡快報謷及「鎖卡」，但後來都被銀行追返期間信用卡被盜期間嘅卡數，點解會咁樣呢？！
立法會議員梁熙陪同咗三名聲稱信用卡被盗用嘅苦主見記者，其中張女士指舊年8月遭賊人偷走銀包及內藏嘅3張信用卡及身份證，當中包括一張渣打銀行信用卡及兩張滙豐銀行信用卡，賊人偷銀包後就使用信用卡瘋狂購物，結果渣打信用卡被盜用簽帳約26萬元，而2張滙豐信用卡更被盜用簽帳達33.2萬元，簽帳總額近60萬元！而張女士收到信用卡簽帳SMS短訊後，知道信用卡被盜用，當時已立即致電銀行「鎖卡」及報警，賊人亦已被捕。當中渣打銀行於案發兩個月後，就豁免咗信用卡後被盜後交易嘅簽帳，即張女士毋須承擔盜用信用卡嘅損失；但滙豐銀行卻以張女士涉「嚴重疏忽」為由，要求佢要照樣清還卡數33.2萬元！
立法會議員梁熙稱有唔少信用卡被盗用嘅苦主，因被銀行追討信用卡被盜用期間消費金額而向佢求助。
張女士就質疑銀行保安及風險監控措施有漏洞，因今次簽帳金額已經達到其信用卡限額超過九成，但銀行喺發現有「異常巨額交易」時，卻未有及時採取措施質疑或截停有關異常交易，或者致電卡主確認異常交易，亦無發出SMS一次性密碼。張女士否認自己「嚴重疏忽」，而事件後佢她已經同滙豐銀行周旋達七個月，但銀行以「我哋月尾就會加返條數入你信用卡戶口」為由，意圖迫張小姐「硬食」33.2萬元卡數。張小姐指已嘗試從多個渠道解決事件，但就連金管局都對事件無從入手。
有信用卡被盜用人士雖已盡快報警及鎖卡，仍被銀行指因「嚴重疏忽」而要「硬食」信用卡被盜期間嘅33.2萬卡數。
每間銀行對「嚴重疏忽」定義唔統一
另一位苦主李先生則表示，曾遭盗用多張信用卡，被盜用簽帳達150萬，警方雖已尋獲犯罪集團及作出拘捕，但滙豐銀行仍拒絕畀佢豁免盜卡簽帳，堅持要求佢畀當中50萬元簽帳額。另一苦主陳先生，係收到賊人冒認熟悉手機號碼嘅短訊SMS，結果誤入釣魚網站，遭賊人盜用信用卡資料，結果直至賊人成功進行至第7宗交易，先收到滙豐銀行嘅短訊通知，合共被盜用約9萬元，當時雖已通知銀行信用卡被盜用，但銀行同樣指他「嚴重疏忽」，要求照畀呢9 萬卡數。
有市民因為收到賊人冒認熟悉手機號碼嘅短訊SMS，結果誤入釣魚網站，遭賊人盜用信用卡資料，當時雖已通知銀行信用卡被盜用，但銀行同樣指他「嚴重疏忽」，要求照畀呢9 萬卡數。
梁熙議員指目前接獲數十宗類似嘅求助個案，佢指出按現時《銀行營運守則》，若銀行認為信用卡被盗嘅客戶存在「嚴重疏忽」，的確可以要求客戶自行承擔損失。但呢個守則嘅漏洞，係有關部門如金管局，未有制定準則及統一各間銀行對「嚴重疏忽」嘅定義。梁熙議員促請金管局發出指引，就「嚴重疏忽」定義發出更具體指引，唔好再畀無辜市民承擔未經授權交易嘅金額。同時梁熙亦建議銀行要提高信用卡嘅保安措施，例如分析持卡人嘅日常消費習慣，若發現有異常金額嘅交易，必須要求一次性密碼，或者向卡主發出短訊通知，調查網上極短時間內多次頻繁交易等。
梁熙議員指唔同銀行對「嚴重疏忽」嘅定義都唔同，令人困擾，同時亦希望銀行可以加強信用卡使用保安指施，如大額消費要使用一次性密碼等。
text/Joyce
photo/HKET圖片庫
============
同場加映：
【蝸居睇樓團】保良局青年綠洲宿舍 $1,775起入住！ 獨立衛浴、開放式廚房、SINOMAX床褥 續約要做義工？
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
