垃圾徵費擬今年年底正式實行 8點需知懶人包 收費點樣計？垃圾袋穿咗都算違規垃圾？
政府喺2005年推出「都巿固體廢物管理政策大綱」，歷經多輪公眾諮詢同反覆修訂，政府表明有意喺2023年年底正式執行都市固體廢物收費（即垃圾徵費），除咗垃圾要按重量收費，仲要使用指定垃圾袋，究竟分別要收幾多錢？而原來無將垃圾袋束緊，或入面嘅垃圾刺破袋身，都有可能被視為違規垃圾㗎！真係要快啲研究吓詳情。
1.收費究竟點樣計算？
收費模式有三種：
A.「按袋」收費
市民須預先購買指定垃圾袋，有9種大小容量嘅垃圾袋供一般市民使用，包括背心（3公升 – 20公升）及平口設計（20公升 – 100公升），最小嘅3公升背心袋價格為0.3港元，5公升袋為0.6港元，10公升袋為1.1港元，而最大嘅100公升平口設計垃圾袋則要11港元。即如果一個家庭每日都要用一個10 公升垃圾袋，每月嘅垃圾袋支出為33港元。市民須包妥垃圾方可棄置，收費為每公升 0.11港元。
市民須預先購買指定垃圾袋，有9種大小容量嘅垃圾袋供使用，每個售價由最平嘅0.3港元至100公升嘅11港元。
B「按標籤」收費
若大型垃圾（如傢俬）未能放進指定垃圾袋，市民亦須為每件垃圾貼上指定標籤方可棄置，每個劃一收費11港元。
C.「按重量」收「入閘費」收費
此模式主要適用於工商業處所棄置嘅大型或形狀不規則的垃圾，例如由私營廢物收集商使用非壓縮型垃圾車收集嘅垃圾，將會按重量喺堆填區或廢物轉運站徵收「入閘費」。四個市區/新界西北廢物轉運站的收費為每公噸395港元，其他廢物轉運站及堆填區則是每公噸365港元。
如果係工商業處所棄置嘅大型或形狀不規則的垃圾，每公噸收費為365至395港元。
2.邊度買指定垃圾袋同標籤？
在垃圾收費正式實施後，市民可以喺幾千個獲授權嘅銷售點購買指定垃圾袋及指定標籤，包括超級市場、便利店、藥房、自動售賣機及獲授權嘅網上平台。
日後市民可以喺超市或網上平台買到指定垃圾袋。
3.指定標籤有乜特徵？
指定標籤須有防偽特徵，包括條碼、二維碼、批號及防干擾設計。
4.違例要罰款幾多？
喺垃圾徵費正式實施後首六個月，暫定會設立適應期，期間違例會獲警告，但適應期過後，每張定額罰款通知書罰款為1,500港元；如被傳票檢控，首次定罪最高罰款25,000港元及監禁6個月，再次定罪最高罰款50,000港元及監禁6個月。
5.點為之「違規垃圾」？
違規垃圾是指喺「按袋」/「按標籤」嘅收費模式下，既無用指定垃圾袋包妥，亦無貼上指定標籤嘅都市固體廢物。例如無將垃圾袋束緊，或任由入面嘅垃圾刺破袋身，呢啲垃圾都有可能被視為違規垃圾。
原來無將垃圾袋束緊，或任由入面嘅垃圾刺破袋身，呢啲垃圾都有可能被視為違規垃圾。
6.大廈住戶可唔可以請大廈嘅清潔員工，代為用一個大型嘅指定垃圾袋包妥多個住戶所棄置嘅垃圾，從而令個別住戶慳返啲垃圾袋費用嗎？
垃圾收費政策原意係想個別住戶承擔指定袋及指定標籤嘅費用，因此個別住戶須在棄置垃圾前，先用指定袋包妥或貼上指定標籤，然後才可棄置於大廈嘅公用垃圾收集點。至於設置於樓宇公共地方（例如大廈大堂），用嚟處置少量體積較小垃圾（例如紙巾）嘅小型垃圾桶，市民則唔需要使用指定袋。
7.低收入市民可獲資助
所有綜合社會保障援助計劃及高額長者生活津貼嘅受助人，每人可獲政府提供每月10港元嘅津貼。
8.點樣可以減少垃圾收費嘅開支？
當局建議市民可以將可回收物，透過各種合適渠道循環再用/再造，以減少垃圾收費嘅開支，例如環保署嘅社區回收網絡「綠在區區」，當中包括11個「回收環保站」及分佈全港18區共32個「回收便利點」與約100個「回收流動點」。
如果想減少垃圾收費嘅開支，可以盡量利用各垃圾回收設施。
text/Joyce
photo/HKET圖片庫
============
同場加映：
【蝸居睇樓團】保良局青年綠洲宿舍 $1,775起入住！ 獨立衛浴、開放式廚房、SINOMAX床褥 續約要做義工？
港生活人氣本地熱話
↓【限時搶⚡】Dermeze得美滋無皂清潔沐浴乳↓
↓修復、補濕滋潤、鎖水保水｜遠離乾燥和粗糙↓
【旅途無蝨】請您用AQUA PRO+TECH「驅蚊大師」滅菌驅蚊液 ！
