龍師傅話你知！屋企電器易壞都關風水事？！ 今年兩個方位易壞電器、點放風水擺設先聚財

家電易壞竟與風水有關？！
今次去到兩位戶主位於青衣嘅單位，佢哋搬咗入去後發覺屋企嘅電器成日壞，原來呢方面都同屋企嘅風水及命格有關。龍師傅解釋：「其實呢方面屋企同命格都有關，首先，電器五行屬火，而兩位戶主五行都唔要火，喺唔要火嘅情況下佢哋屋企嘅電器會較容易壞，所以唯有提醒戶主用家電時小心啲。另外，有啲屋某一個角落擺放電器會特別容易壞。但，我哋唔好講到咁複雜先。就以今年為例，東面以及西北面嘅電器特別容易壞。」大家唔想啲電器咁易壞要畀錢修理的話，記得避免將電器擺喺呢兩個方位呀！

龍師傅表示，因為電器喺五行裏面屬火，如果戶主命格係唔要火的話，屋企嘅電器會較容易壞。

原來有啲屋嘅角落擺放電器會容易損壞，今年就要留意東面以及西北面。

再喺電視櫃上，擺放正方形碟並放上8粒白石春。

在電視櫃隔離的高身櫃上擺一杯八分滿的水，便可化解破財問題。

聚財物不宜亂擺 易有反效果
除咗家電易壞之餘，兩位戶主亦遇到另一個問題 — 破財。龍師傅表示，最大原因就係呢間屋嘅磁場太亂：「呢間屋嘅磁場影響得比較亂，羅庚支針由大門到房間都不停郁，所以呢間屋好難會有力，而且磁場亂更難以聚氣，聚唔到氣其中一樣嘢就係財運較弱。所以兩位戶主有破財的情況出現。」

龍師傅表示，呢間屋破財的原因是因為磁場太亂，令到間屋唔夠力，而且有破財情況出現。

咁究竟破財屋又點睇呢？師傅講咗其中一樣能夠簡單分辨的方法：「好簡單的，例如入到一間屋太扯風嘅話，咁就係破財屋。好多人會問有風咪好囉、夠通爽。但大家要留意，扯風同通爽係有分別。其實風水的竟思就是要藏風聚水，如果一間屋藏唔到風又聚唔到水，財氣就會沖散。」

究竟點樣去可以催財呢？坊間流傳好多家居風水催財方法，其中一樣就是在大門45度角擺放催財物，咁又係咪每間屋都適合咁做呢？
龍師傅解釋：「其實呢個係好概括嘅講法。而且唔係每間屋都適合咁擺，如果入門嘅45度角係窗台的話，反而會有破財嘅情況。」所以，大家千祈唔好亂擺放水陣呀！

坊間流傳，只要在大門對住的 45 度角，擺放風水物，便有催財之效。但師傅表示，這個說法不完全正確。

坊間說法大門入屋約45度角對住的牆角，然後在地下擺放風水物。但不是催財，而是有聚財的作用。

但如果45度角是窗台的話，不但不能聚財還有破財的危機。

【info】
Facebook：羅雲龍玄學工作室
玄學預約：6876 3689


Text/Theo
Interview/Yuen
Photo/Him