金像獎2023|鄭秀文爆喊講首摘影后宣言真摯動人 陪跑9次終於圓夢:「記住我攞獎呢個畫面」

文: 羅志宏
2023.04.17

《第41屆香港電影金像獎》頒獎典禮於4月16日在尖沙咀文化中心舉行,先後提名10次「最佳女主角」的鄭秀文(Sammi)憑《流水落花》首次躋身影后寶座,恭喜!鄭秀文甫上台已立即爆喊,發表影后得獎宣言時更難掩開心之情,激動大叫「我真係好開心呀!今次終於唔使喺賽道上、企喺後面默默陪跑⋯⋯」

今屆出爐金像影后由鄭秀文(Sammi)憑《流水落花》勇奪殊榮,自2001年開始先後提名10次的她已是第7屆入圍衝擊影后寶座,這次終於實現零的突破,首度獲封「金像影后」。鄭秀文聽到得獎結果時已綻露笑容,上台時更一度爆喊,並與頒獎嘉賓劉德華相擁而泣,全場掌聲如雷貫耳。

鄭秀文於台上發表的影后得獎宣言獲讚真摯動人,「其實最佳女主角呢個獎對我來講,從來都好似係遙不可及,但有時又覺得只係一步之遙。咁多年裏面,諗得最多並唔係幾時攞或者點樣先可以得到呢個獎,而係我究竟點樣進步,點樣先可以在演出有提升、蛻變。其實由一個喜劇演員,轉去做正劇,所花的功夫、所行嘅路好長,當中亦都遇到好多嘅困難,嚟到今日大家睇到我演出上面嘅蛻變,我好感激我今次遇到呢個劇本,我要好多謝《流水落花》嘅導演,好多謝你一開始就矢志不渝咁相信我可以演繹呢個角色,係你俾機會我演繹呢個角色,我好多謝你。」

Sammi隨後講到對亡父的思念,「佢曾經講過我每一次演出或者我投身嘅藝術工作好似完咗佢畢生嘅夢,希望我今日攞呢個獎,能夠喺你嘅藝術平台裏面拼湊出一個更美麗嘅拼圖」,同時再感謝屋企人。

Sammi當時心亦難掩興奮,直言「對唔住,我好激動,我要諗一諗講咩」,又續稱:「我想同天下間有夢想嘅人講一聲,夢想嘅路途係好困難,有陣時係困難重重,但我好想你記住我,記住呢一刻記住我攞獎呢個畫面,夢想係留俾永遠唔放棄、同埋堅持嘅人,你要記住呢個畫面!」

最後,Sammi在台上大叫「我真係好開心呀!今次終於唔使喺賽道上、企喺後面默默陪跑,我終於可以昂首衝線,我係衝線嗰個呀!多謝你哋!」更不忘以歌手身份搞笑一下,哼了幾句歌詞:「你知不知道~你知不知道~我等到花兒也謝了~」

 

同場加映:【著數慳家王】深水埗$190酒店級牛扒餐附90分鐘任食薯條!必試極鬆軟安格斯封門柳+澳洲M7和牛

圖片來源:節目截圖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓