換季衫點整理？MUJI家具顧問親授慳位收納法！
開始每日都接近30度的氣溫，是時候將冬天衫要收埋整理一下，講到收衫整埋就頭痛，地方細細，點先可以有最大嘅收納空間呢﹖唔想諗到頭都大晒，一於請教MUJI家具配置顧問Garith Fok，問佢俾啲Tips大家啦！
U:U Magazine
G:MUJI家具配置顧問Garith Fok
▌MUJI家具配置顧問Garith Fok
▌Garith推薦比較闊身的衣架，令膊頭位無咁容易變形。
U:點樣用衣架掛冷衫唔會變形？
G:冷衫如果就咁掛，兩邊都會重墜而變形，所以我哋會推薦比較闊身的衣架，令膊頭位無咁容易變形或者用摺起的方法都可以。
方法1:
可以先將兩邊袖位放入衣架，然後先掛起整件冷衫。
方法2:
可以先將冷衫摺起，再疊上去衣架，令受力點分開，就無咁容易變形。
點擊圖片放大
U:針織或線衫點樣摺會較慳位？
G:方便自己整理的話，可以將件衫向內對摺，然後再摺就可以，將件衫摺成長方型或正方形，收納時就會夠慳位。
U:牛仔褲如何收納？
G:可以先將牛仔褲分成3摺，繼而變成方型，比起向上堆疊，會較容易收納和分類。
點擊圖片放大
U:羽絨如何收納最恰當？
G:如果是羽絨，可以對摺咗再對摺，之後再對摺3份，再番「攝」落去，咁樣件羽絨就無咁容易脹起，繼而可以佔少啲收納空間。
U:衣服應該如何分門別類？
G:坊間有好多膠質料的PP Box，這類收納箱可以透光、顏色，咁就方便見到盒內的物件，容易令自己搵到合適的衣服。而亦有一些不織布袋是用於膠箱的分格，
有一些再分細格，可以方便收納內衣褲、襪之類。
U:如何善用衣櫃才有更多空間？
G:最高的地方就會放置一些不常用且較輕的物件，例如羽絨、毛巾、被都可放上面，而喺視線範圍大約去到1.2米左右，就可以放置平日最常用既衣物，至於最下面就會放置轉季物，唔常用但又好重的物件。
U:壓縮袋點樣可以放到最多衫？
G:盡量將件衫推開，fit番個袋既闊度和大細，如果太集中的話，兩邊就會有空間，令壓縮袋未能放盡更多的衣服。
【INFO】
MUJI
九龍灣德福廣場2期4樓401-402舖
3973 8380
港生活人氣本地熱話
↓【😋免費請您食餐飯！】↓
Oliver’s Super Sandwiches全新夏日餐單☀️
《U GO》請您睇《關於我轉生變成史萊姆這檔事 劇場版 蒼海之淚篇》！
蒼海之戰正式揭幕⚔️見證尤菈神祕力量✨
假日好去處