葵涌殮房登記處請人!每周工作5天/無須對屍體 惟月薪得呢個數?網民嬲爆:真係搵鬼做

文: 黃樂恩
2023.04.25

近年本港人口下降,不少行業都有出現「難請人」的問題!不過最近網上流傳一則招聘廣告,顯示葵涌公眾殮房正在招聘員工,主要負責在大堂登記處工作,每周只需上班5天,雖然告示上聲稱無須面對屍體,但月薪卻只有$13,000,引起大批網民熱論。不少人對薪水感不解,「殮房人工邊有咁低」、「平均$56.5一個鐘…做呢行俾咁嘅人工真係搵鬼做」,即入內文睇詳情啦!

早前Facebook群組「巴打絲打『11靈異怪談』Facebook Club」中流傳一則招聘廣告,廣告中顯示葵涌公眾殮房最近在招聘員工,主要負責在大堂登記處工作,聲稱無須面對屍體,工作時間為早上8時至下午6時(即每天工作10小時),星期六、日以及公眾假期休息,而且做滿1年會有約滿酬金,最快5月17日就可以上班,不過每月薪金卻只有$13,000。

帖文一出,隨即引起大批網民熱烈討論,紛紛留言表示「返工要轉車,車費吾少。食飯除非自己帶,叫外賣又吾平。」、「每日10小時得13000蚊,人工太低啦」、「平均$56.5一個鐘⋯做呢行俾咁嘅人工真係搵鬼做」。更有不少網民直指在殮房工作始終較厭惡性,「屍臭極濃烈」、「衰過掃街」、「冇2萬請唔到,第一長時間,仲要咁嘅地方!嗰度好臭㗎」。

其中亦有人質疑對公眾殮房的薪水感不解,「點解低人工過醫院?俾人抽左佣?」、「中間人食咗幾多?」、「殮房人工邊有咁低㗎,食水唔好咁深喎」,有網民認為僱主是故意製造出「招聘煙幕」,營造出難請人的環境氣氛,以加快輸入外勞補充勞動力,「就係想做低個價 唔係點輸入外勞呀」、「如果請到外勞一定冇萬三蚊呀!所以佢出呢個價香港人根本就唔會做,厭惡性工作環境,時間長都仲未計食飯車錢呢」、「又係要為輸入外勞作準備!」。

來源:FB@巴打絲打「11靈異怪談」Facebook Club

同場加映:【衝出嚟玩】日間船P散團出海玩足7小時!夾船單人報名都得!中環出發/包三餐/酒水任飲

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓