在港7年印傭網上求職 要求月薪8千5!明言搵到工就斷約?網民:請佢嗰個就真係傻

文: 黃樂恩
2023.05.04

過去3年,本港受疫情影響下,來港外傭供不應求,當中更有不少即將完約的外傭要求大幅加薪。日前更有網民發現,外傭中介App上有印傭直接上載招聘告示及求職履歷,更列明期望月薪為$8,500,與本港政府規定的外傭最低工資多逾$3,700,引起大批網民熱論,即入內文睇詳情啦!

最近有網民在Facebook群組「香港僱主討論區(外傭/鐘點/陪月/本地ee)」發帖,指自己發現有印傭在外傭中介App直接上載招聘告示及求職履歷,更列明期望月薪為$8,500,直言「 好笑到想舉報!唔知係咩獅子開咁大個口」。其後樓主更上載截圖,從截圖中可見,該印尼外傭現年32歲,指自己曾在中東工作了兩年,照顧4名成人以主5名小孩,職責包括煮食、做家務、照顧嬰孩和長者、洗車、打理花園等。

她表示自己在2016年來港,在港工作已經7年,其中有兩年曾照顧一個兩孩家庭,過去5年則在照顧兩名成人,主要負責做家務和照顧長者。其後她更在告示中表示,計劃找到新工作就會斷約,期望月薪為$8,500,至於居住環境則需要與僱主討論。

帖文一出,隨即引來不少網民熱論,有網民直指「請佢嗰個就真係傻」,認為該印傭所列明的期望月薪為$8,500,與本港政府所規定的外傭最低工資多逾$3,700,紛紛留言表示「8500是否live out(不住在工作的地方)?3700用來租劏房同埋食嘢囉!」、「8500?佢係咪嗨大左 我唔信4800搵唔到工人囉」、「佢開10,000都得,但請佢嗰個就真係傻,唔係扮!因外邊大把標準價的工人!」。

另外,亦有網民指外傭中介App向來開價高,又明言不會聘請斷約「姐姐」,並留言道「8500??仲講明會斷約」、「斷約都唔會請啦」、「呢個App都好多姐姐開價8000up...」、「叫夠齊頭1萬啦」、「其實啲工人姐姐瞓醒未?」、「咁呢個app 的工人係咪都ok ? 睇中要唔要俾手續費?」。

來源:HKETFB@香港僱主討論區(外傭/鐘點/陪月/本地ee)

同場加映:【衝出嚟玩】日間船P散團出海玩足7小時!夾船單人報名都得!中環出發/包三餐/酒水任飲

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓