由肥媽、李家鼎及游嘉欣擔任主持的飲食節目《肥媽李鼎》，自開播以來話題性十足，肥媽、鼎爺更不時分享自己的故事。日前肥媽、李家鼎更分別在第5、第6集提到自己最窮困潦倒的時候，以及買樓置業話題，即入內文睇詳情啦！
早前肥媽（Maria Cordero）在節目中提到自己最窮困的時候，當時她的銀行戶口只有$36，但要養6個子女，所以每一日都想辦法如何賺錢，「試過有一日揸住支茄汁同豉油，個仔望住我搖頭，我就點頭，佢話冇餸呀？我話係呀，咁咪茄汁同豉油撈飯囉！」另外，原來肥媽也有試過靠托麵粉養家，當時她一次能托起三包重50磅的麵粉，成功賺到2千多元一個月。
點擊圖片放大
除了肥媽，沒想到鼎爺也有經歷過潦倒的生活，他提到自己年幼時要靠批馬蹄和剝核桃幫補家計，由早上9點剝到晚上6點，非常辛苦。在他最潦倒時更要靠滷水雞翼維生，「廿蚊雞翼食一個禮拜，雞全翼一餐食兩隻，有味咪得囉，最緊要係碗飯之嘛！」
在節目中，三人更提到買樓話題，23歲的游嘉欣表示希望5年內可以上車，「我覺得可以置業係人生高峰。」 而肥媽就透露自己首次置業經過，她表示人生首次置業在30歲時，「有咗6個仔女之後先買，記得用咗28萬買，我好豪㗎」，當時她一次過買兩層，一層412呎，完全是她與家人夢想的家。肥媽續指，「我記得我哋上樓時，細仔係摸住塊牆係咁啜， 全家人第一次買樓，係開心到形容唔到！」
至於鼎爺，今次亦有透露首次置業經過，他表示自己大約在1971年首次置業，「當時去咗台灣工作，6千蚊（人工）一個月，70年代6千蚊好緊要㗎喇。」而鼎爺當時更打長途電話叫母親睇樓，目標是畢架山或美孚一帶，沒想到李媽媽最後作出的決定令他相當崩潰兼反白眼？
同場加映：【衝出嚟玩】日間船P散團出海玩足7小時！夾船單人報名都得！中環出發/包三餐/酒水任飲
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
