ViuTV主辦的第三屆《CHILL CLUB推介榜年度推介22/23》早前在亞洲國際博覽館十號展館舉行，其中MIRROR成員成為獎項大贏家。而獲頒男歌手銀獎的姜濤在台上發表得獎感言時，就一改惜字如金的作風，花了5分鐘時間逐一點評多謝MIRROR十一位隊友，事後卻意外引發罵戰，風波持續。
更新日期：2023.05.12
姜濤於頒獎禮的得獎感言意外引發餘波罵戰，繼泥鯭出言寸爆、由RubberBand發聲明道歉、盧覓雪再發表意見後，人稱「Ben Sir」的香港粵語語言學家歐陽偉豪，日前都在FB寫下56字疑似意有所指，「社會真係死氣沉沉，日日都見到人道歉，仲要同自己粉絲道歉。你喺街hi我，我都未必啋你，仲要同你道歉？星嚟架！」隨後大批粉絲湧入洗板留言，罵戰再度蔓延。
更新日期：2023.05.07
姜濤今次再度獲頒「年度男歌手銀獎」，上台發表得獎感言時就先多謝ViuTV、公司等人，並謂「想阻左大家少少時間，因為其實我一開始未諗到講咩，但我頭先臨時喺台下諗，如果有機會攞獎我想講呢一番說話⋯⋯」姜濤續稱「我哋一直以來都好多謝fans、好多謝Management、好多謝MIRROR，但我其實冇喺呢個台度多謝你哋11個隊友⋯⋯」
姜濤由隊長Lokman開始講起，「Lokman，我記得頭幾年我哋有好多好多嘅內部問題，大家睇《調教你MIRROR》都知道，但係我知道經過《調教你MIRROR》之後，你有好努力成為一個隊長，我好respect你，多謝你！」
姜濤其後講到Tiger，「Tiger，雖然《調教你MIRROR》我話同你講每日50句，但係都係一句都冇，但我知道你好有Talent喺電影方面，唱歌方面其實你都好有Talent，所以加油！」姜濤接著講到Jeremy，「Jeremy，你係我最surprise嘅一個人，老實講《全民造星》嘅時候並無太多留意你，但你你係我覺得咁多個成員之中進步得最多最多嘅一位！」
姜濤續道「Alton，我每一次搵你都係傾啲無聊嘢，但係我知道你一直好渴求表現自己嘅機會，我相信你有一日一定會做到」、「Frankie，其實我同Tiger起碼有一句，但係我同你可能一句都冇，但係我知道你仲好努力搵緊自己目標，我相信你比《調教你MIRROR》嘅時候，一定更加更清楚自己目標。」
姜濤再講到，「AK，雖然脾氣都係照舊啦，但係我知道你都好努力好努力咁成為我哋嘅副隊長，所以好尊重你」、「Ian，我Proud of你值得擁有嘅一切，你攞獎我好開心，I love you！」、「Stanley，我知道你好想成為一個演員，我知道你對演戲嘅熱誠，比起在場每一位都更加更加多，所以你一定會成為一個好好嘅演員！」
姜濤繼續語重心長，「阿Jer，我知道你好想做到自己嘅音樂路，一直以來對自己嘅音樂好有堅持，希望你繼續堅持落去，因為我都係咁樣嘅」、「Edan，你實在係一個非常非常全能、努力嘅人，我只可以講我第二佩服你！」
最後，姜濤向Anson Lo道出心底話「第一個（佩服的人），Anson Lo，其實我知道外界成日都會將我哋攞嚟比較，我知道我哋好多嘅支持者會因為我哋會有好多嘅爭拗，我想講我從來冇理過呢啲嘢，我真心由《全民造星》第一日，我哋經歷過好多嘅誤會，但係我永遠都係最信你嘅，你知㗎，所以I love you！」
同場加映：【著數慳家王】Living Plaza荔枝角店大減價開倉一律$6！記者直擊平掃美妝/家品/迪士尼精品
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
