ViuTV主辦得第三屆《CHILL CLUB推介榜年度推介22/23》頒獎禮日前在亞洲國際博覽館曲終人散，事後最被廣泛討論的莫過於MIRROR成員姜濤，在獲頒男歌手銀獎時逐一點評多謝MIRROR十一位隊友，此舉惹來大眾議論紛紛，更有網民發現RubberBand成員泥鯭在FB上留言疑似寸爆「好啲歌先做呢啲小動作啦」！
更新日期：2023.05.11
姜濤於11日傍晚亦似是打破沉默，在IG社交帳戶上傳了一分鐘的「喪笑」黑白片段，並寫上8字「笑一笑，一切都會好」，似乎是新歌《Dummy》的MV精華片段，片中見到姜濤的「又笑又喊」的演繹詭異，相當有藝術性；不少粉絲就解讀為姜濤想大方平息今次風波。
更新日期：2023.05.11
頒獎禮餘波繼續，今日（11日）盧覓雪在商台節目《在晴朗的一天出發》開咪時，就似對事件隱晦地發表意見，不吐不快：「我見到另一團人去道歉，做乜嘢呀？呢個世界係咪一定要咁樣㗎？點解？批評唔可以接受嘅？最鍾意批評人，日日我都有批評人，咁即係點呀，我又要道歉呀？要話以下不代表商台立場？黐線！我睇到火都嚟！我學啲人惡人惡相、網上欺凌嗰啲呀。其實我唔係佢哋歌迷，不過我都睇唔過眼要出聲囉！批評一個人，每個人都有佢言論自由。」
盧覓雪續道：「有啲道歉係『我怕咗你囉，我同你道歉囉』，即係息事寧人，費事煩落去，費事有手尾跟...我純粹係側邊見到佢批評佢，一個人因為批評一個人而遭受到一村人、一群人圍攻，問『你做乜批評佢呀？』我覺得呢個現象不可取，人多就聲大，聲大就夠惡？」盧覓雪最後再講：「我年紀大咗，愈見到呢啲嘢我愈刺眼，愈覺得唔舒服，覺得點解要咁？」
節目出街後，粉絲戰場由泥鯭FB湧至《在晴朗的一天出發》的FB專頁留言，「批評要講粗口嗎？」、「唔好用言論自由，鏡安法做擋箭牌，合理左自己的失言」、「批評和攻擊係有分別喎」，短短幾小時已突破700多個留言。
更新日期：2023.05.10
頒獎禮事隔兩日，RubberBand官方社交平台發出聲明，表示對隊友失言而引起的風波感到抱歉，並向各受牽連單位及人士致歉，全文如下：
「對於隊友近日失言而引起的風波，
我們感到非常抱歉。
經過隊友間反覆討論，
今次事件確實得到一場反思，
在仍然堅信社會應要存在自由的言論空間的同時，
我們亦深明表達手法、尊重不同聲音的重要性。
對於是次事件引起之擾攘爭持，
還有浪費了公共媒體資源，
我們希望藉此向各受牽連單位及人士致歉。」
頒獎禮餘波落在姜濤的得獎感言，有網民批評似「點評」多過「多謝」，亦有人力撐MIRROR成員兄弟情。而獲頒年度樂隊銀獎的RubberBand雖然缺席當晚頒獎禮，但其鼓手泥鯭似乎都有留意頒獎禮直播，更於當晚在FB帳戶上邊睇邊發接個人意見，內容充滿火藥味，相當直接。
對於姜濤得獎後在台上逐一點評多謝MIRROR十一位隊友，泥鯭就留言嘲諷「多謝說話定係『鼓勵』說話？！WTF？！係咪short X咗？！修哥都講唔出啦」、「攞終身成就獎嘅精神健康狀態」、「歌迷會夾份請個writer同看護俾佢啦要」。
泥鯭其後再將槍口炮轟主辦單位ViuTV，直言：「嘩DLLM 頒唔尷尬，攞唔尷尬，唯有睇嘅尷尬」、「又一個大台的誕生」、「依家諗返當年亞太區最受歡迎男歌手真係”實至名歸”」，由於泥鯭的帖文屬於公開狀態，大批持不同意見的網民互相爭拗，一度引起罵戰。
同場加映：【著數慳家王】Living Plaza荔枝角店大減價開倉一律$6！記者直擊平掃美妝/家品/迪士尼精品
圖片來源：HKET圖片庫、FB@泥鯭、節目截圖
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
