法言人|陳嘉慧初次挑戰迷姦戲份迷離眼神超入戲 寬衣解帶大膽突破演出有別清純形象

文: 羅志宏
2023.05.10

TVB劇集《法言人》今個星期播出結局篇,最近劇情焦點落在26歲女藝人陳嘉慧飾演的「律政小花」Grace。日前一場迷姦戲份高潮迭起,陳嘉慧透露拍遭迷姦戲前做足功課,演繹迷離的眼神獲讚超入戲,大膽寬衣解帶的突破性演出更是有別陳嘉慧以往的清純形象,而之後還會有令觀眾意想不到的發展。

昨晚(9日)一集講到TK(陳少邦飾)為了討好Martin(唐嘉麟飾),還有將魔爪伸延至「律政小花」Grace(陳嘉慧飾),二人與Adam(張達倫飾)等人傾公事期間,TK眼見Martin垂涎Grace美色,竟落藥令Grace險被迷姦,幸好在Grace寬衣解帶之際,Adam趕至將其救走,獲網民讚「奸得嚟有底線」,相當搞笑。

不過Adam因此一役與TK種下牙齒印,令日後危機處處…談到相關場口,陳嘉慧受訪時坦言拍攝前心情緊張,而且做足功課:「因為我未拍過呢類型戲,所以喺拍之前我有上網睇吓啲前輩點做。其實去到現場,我覺得張達倫比我壓力更加大,因為佢知我第一次拍呢類型戲,所以好Take Care我感受。」

陳嘉慧更笑言最難忘是被張達倫公主抱一幕:「因為嗰Take來來回回Take咗幾次,我都好擔心佢仲抱唔抱得郁我,因為我體重都比較重。」以甜美笑容見稱的陳嘉慧,是次演繹角色不但帶點機心,更因懷有不可告人秘密顯得心事重重,與以往角色差別頗大,陳嘉慧亦直指是次角色確實會有令觀眾意想不到的發展…

 

 

劇透即睇:

【法言人劇情】21-25集大結局預告!馬國明被控謀殺成眾矢之的 案中案另有玄機真兇竟是陳嘉慧

 

同場加映:【著數慳家王】Living Plaza荔枝角店大減價開倉一律$6!記者直擊平掃美妝/家品/迪士尼精品

 

圖片來源:TVB

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓