25歲鄧月平榮升老闆 20萬請中醫師?被指愈搬愈富貴衣帽間放滿名牌衫

文: 黃樂恩
2023.05.13

最近有報道指「宅男女神」鄧月平忽然富貴,不單止開設中醫診所做老闆,又在IG上高薪請中醫師、大曬居住複式獨立屋環境,其中衣帽間更放滿名牌衣物?日前鄧月平分別在IG限時動態、錄影節目時作出回應,即入內文睇詳情啦!

現年25歲鄧月平(Larine)出身普通家庭,她曾在銅鑼灣一間泰式餐廳任職侍應,因當時被網民偷拍上載到高登討論區而在網上走紅。同年,鄧月平更參選2016年ViuTV選美節目《美選D.n.A》,憑著出眾身材、甜美精緻外型,不單止被網民封為新一代「宅男女神」,其後更簽約成為經理人公司GME旗下藝人,出演過《小男人週記3之吾家有喜》、《三夫》、《踏血尋梅》等多部電影。

近年鄧月平約滿離開公司,選擇獨立發展的她,以大部分積蓄開設個人工作室,去年以7位數投資開設中醫美容診所,榮升做老闆娘,更在IG上以10萬高薪請中醫師,無論是演藝事業、副業都經營得有聲有色。早前就有報道指鄧月平吸金有道、愈搬愈富貴,年紀輕輕就住複式獨立屋,家中不但擁有開揚景觀,而且衣帽間裡更放滿各種手袋衣物、高跟鞋以及名牌紙盒。

不過鄧月平似乎很怕被誤會是有錢人家,不單止馬上在IG上否認住豪宅,表示自己習慣每年搬一次屋,該報道中有部分照片是朋友的家,並在文中強調,「我唔想俾人覺得有錢,依家自己做自己工作室,平平穩穩打個和,都係希望唔受一般娛樂公司規管下同啲志同道合或者素人朋友做啲另類啲嘅作品,自由啲嘅作品,一陣有啲咩誤會,出去搵人拍嘢,我驚俾人劏到阿媽都唔認得。」

日前鄧月平更在錄影節目《醫家搞邊科》時透露,「其實我豪唔豪都有share,但啲人淨係見到豪嘅一面,所以我都自嘲『凡係我走過嘅地方都係豪宅』。」其後更大呻這些負面報道可能影響她的形象,「好似抹殺咗我背後嘅努力,都會驚接工作時會被劏(壓價)。」同時鄧月平也回應早前在IG高薪請中醫師,「我只係出1.8萬至10萬蚊(月薪)搵中醫師,因為診所有情緒、腫瘤、減肥等唔同科,有啲專業醫師帶嚟嘅收益都大,所以要畀呢個價。」

來源:HKETIG@lllarine

同場加映:【衝出嚟玩】日間船P散團出海玩足7小時!夾船單人報名都得!中環出發/包三餐/酒水任飲

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓