易通行推出不足一星期 問題多多！認錯車牌亂扣錢+一分鐘扣兩次錢

============

同場加映【家居達人】旅行移民留學注意！專家教揀喼10個必知 
如何防止海關爆鎖、清潔要靠2個法寶、旅行爛喼賠償有秘訣！

============================

個案1：過一次隧道收來回錢！

有FB群組樓主分享一張截圖，苦主表示「第一次用易通行，經青沙由九龍入沙田，個app show咗收$8，唔夠一分鐘之後又收多我$8，話我由沙田出九龍！已經打咗上易通行hotline，個接線生都話冇見過咁嘅情況... 到底我架車係咪識得飛？」

有心水清網民即留言：「佢應該好似八達通咁，15分鐘內唔可以重覆扣數，避免呢件事！八達通20年前諗到嘅嘢，佢居然無用？」亦有網民獻計：「未執好就即刻行，不如暫時取消易通行，執執佢先啦！呢段時間咪免費行青沙，反正現在拗數既行政費，都唔只呢條數啦。」亦有留言估計是苦主「行緊快線，俾對面個龍門架讀到。」

亦有不少搞笑留言：「可以告你瘋狂啦！1分跑尖山」、「你係咪揸的士呀？行隧道要收回程隧道費」、「貼紙飛咗去對面線架車度」。

個案2：架車泊喺停車場都扣錢！

另一苦主羅先生向Now新聞台表示，於易通行實行第二天（即5月8日）揸車接兒子放學，之後一直將車泊在屆企樓下，但夜晚發現突然有手機短訊通知，易通行被扣錢，但期間他沒有用過車，自己亦都是唯一一個有車匙的人，很擔心被偷車，但發現車跟貼都在原位：「我覺得非常之兒戲，即將全香港都用易通行，沒有易通行便過不到隧道，但它有那麼多錯誤，都不知應否繼續用！」

羅先生立即致電運輸署查詢，對方表示會5日內處理，但不能停用。他亦到警署備案，警方確認收到。他不放心，把車輛貼撕下來收起，又取消自動繳費。他還是不放心，把車輛貼撕下來收起，並取消自動繳費！

有資訊科專家認為，如果車牌被盜用，或者字體不合規格，都會出現這個情況。易通行系統本身有鏡頭，設有車牌悉別系統，影低車牌之後，會將繳費通知send去App。另一個可能性，是車牌字款不合規格，令鏡頭認錯車牌號碼。他指出這些車輛貼是FRID無線標籤，跟八達通相似，無法複製。

text/ Katty
photo/ 運輸署、經濟日報圖片庫、FB「車cam L（香港群組）」截圖、Now新聞台截圖