李克勤一連七場《弦續李克勤・港樂演唱會》昨晚 (20日)在紅館舉行最後一場，尾場請來好友劉德華擔任驚喜嘉賓，兩人合唱《如果有一天》及《我恨我痴心》，將紅館氣氛推上全晚最高點！克勤又率先透露演唱會有望9月唱到澳門。
克勤每晚也會選唱一首其他歌手作品，昨晚他說：「今晚我揀的歌，呢個人點形容佢？我問過佢，你情願人讚你靚仔、唱歌好定演戲好？佢話靚仔！我但凡有咩奇難雜症，我都會去搵呢個人，遇上困難佢係我明燈，以前每一次我做演唱會，佢一定來睇採排，以下呢首歌，送比劉德華先生--《如果有一天》。」克勤唱了幾句後，劉德華從台中緩緩升上來，現場觀眾驚喜萬分，歡呼聲震攝紅館。
同場加映：【衝出嚟玩】葵盛11米高戶外歷奇樂園！22個刺激關卡/全港獨有蜥蝪牆/60米空中飛索
歌畢，華仔說：「其實我一直都好驚。」克勤: 「吓？你都會驚？」華仔笑道：「驚呀，上一次我都係唱呢首歌(如果有一天) 我吊係上空兜左一個圈，就要同大家講下次再見啦，所以今日再唱呢隻歌，對我來講係好有意義，但又好驚，個心慌㗎。」克勤話：「咁你幾時再開呀？你記的叫我來呀。」華仔回答：「好快㗎啦。」然後叫全場觀眾企起身，再跟克勤合唱《我恨我痴心》，把氣氛帶到最高點。
此外，克勤昨晚又獻唱半首《傻女》，令在現場睇騷的原唱者陳慧嫻成為焦點被觀眾不停以電話集郵，他見慧嫻被遭包圍即說：「寶麗金之友，唔好意思，係我衰，引左大家注意你！」他又示意控制台快點熄燈，好等慧嫻可以安靜享受他個唱。與觀眾互動環節，全場大合唱《 紅日》畢後，克勤又大讚：「呢邊唱得咁勁，唔怪得啦，原來張敬軒係到！哈哈。」 軒仔不單紅日跟著克勤唱，很多首歌也站立又揮手又跳舞，看得十分投入，令台上的克勤不時做回心心手勢多謝。
來到最後一首歌《告別校園時》，全場大叫encore，克勤連續encore了3首歌，觀眾一直點亮手機燈把紅館幻化燈海及跟著他大合唱，克勤感動道：「我要記住呢個畫面，我覺得我好幸運，我只係一個好喜歡唱歌嘅人，唱歌可以成為我職業，由1987 年第一隻唱片，到依家好一段時間。大家同我一齊成長，時間過得飛快。」
「昨日炎明熹來做嘉賓，佢 18 歲，我個仔都15 歲啦，我重同佢唱情歌，我都唔知點投入，哈哈....時間過得好快，由其疫情，每個人都學會好珍惜身邊每一樣野......寶麗金年代，畫子 (關維麟)揀呢首歌比我嗰陣，我最初好唔鐘意，覺得好娘，佢話你信我啦，你可能會唱一萬次。我冇諗過，呢隻歌咁多人鐘意，多謝大家。」
然後為大家獻上《一生不變》， 全場跟著他一起大合唱，場面感人。完場之後，大部份歌迷一直不肯離去，喊安歌喊了近15分鐘，最後克勤不敵大家熱情，再一次上台，笑道：「真係咁真係咁痴纏？」然後再唱了《誰願分手》及《沒有你嬴了世界又如何》才真正完結演唱會。
演唱會過後，克勤接受訪問時表示，歌迷及觀眾的熱情令他非常感動，被問到會不會再開part 2？克勤表示暫未有計劃，但這個騷會在世界各地不同地方做，9月或會去澳門舉行，歡迎大家去開旅行一齊去世界各地睇。
來源：大會提供
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
