楊茜堯IG罕有發火寫51字嬲爆發洩 一句「我唔出聲唔代表我唔知」惹無限揣測
藝人楊茜堯（楊怡）與羅子溢（羅仲謙）於2016年結婚，先後誕下一女一子，組成四口之家，不時都會在社交平台上大晒幸福恩愛。今日（24日）下午，楊茜堯就突然在IG網上出po罕有發火，寫下51字憤怒發洩，由於未有透露半點內情，因而惹來網民無限揣測。
楊茜堯（楊怡）在IG平台突然出po，罕有發火寫下51字「當感到憤怒和失望時，可以做啲乜嘢！！！# 一次又一次 #講大話甩大牙 #我唔出聲唔代表我唔知 #唔好問我唔會答你」，大批網民留言關心，紛紛寫下慰問字句。
有網民就推測有可能是二人陷入婚變，惟翻查一星期前的帖文，見到羅子溢在5月14日母親節當日亦有在楊茜堯的帖文下寫道：「母親節快樂，辛苦你了」，不過就未見有全家福合照，僅得楊茜堯與子女的合照。
之後，楊茜堯回覆傳媒查詢時，就表示帖文所講的與老公羅子溢無關，其實是被一個朋友激嬲，因此有感而發出po宣洩情緒。
同場加映：【衝出嚟玩】葵盛11米高戶外歷奇樂園！22個刺激關卡/全港獨有蜥蝪牆/60米空中飛索
圖片來源：IG@楊茜堯
港生活人氣本地熱話
《Chill賞放大假》請您去海洋公園！
↓ 立即參加，免費去夏水禮🙌↓
【送飛🎟️】蠟筆小新「玩轉！時空大冒險」互動體驗展！
↓2️⃣大新設展區✨│2米高小新立像／全新周邊精品／小新主題新餐單😍↓
