外傭入屋2個月煤氣費勁升8倍 質疑3大原因所致!僱主最擔心呢樣嘢?

文: 黃樂恩
2023.06.03

最近有僱主在網上大吐苦水,指自從3月新外傭入屋後,煤氣費竟然增加8倍,由以往$322升至近$5,764,直言「住咁耐未曾試過」,更讓她擔心日後水電煤費用會大大增加。事件在網上引起熱議,不少網民認為近$6,000的煤氣費太誇張,質疑是否煤氣公司職員「抄錯錶」?

日前有僱主在Facebook群組「香港僱主討論區(外傭/鐘點/陪月/本地ee)」中發文,指自己在3月新聘請了一名外傭後,沒想到家中煤氣費就勁升8倍,由3月的$647激增至5月的$5,764, 她坦言「去到差唔多10倍費用,住咁耐未曾試過咁勁抽」,質疑是外傭經常開關煤氣爐、每天沖兩次涼、天氣變熱用熱水洗碗有關。其後事主更上傳了煤氣公司的電子賬單紀錄,從紀錄可見,今年1月煤氣費為$322,3月時金額則為$647,但自從3月聘請外傭後,5月煤氣費突然飆升至$5,764。

此外,事主更透露,現在一家三口睡在同一間房,而外傭就自己一間房,天氣開始變熱,早前她還特意買入一部分體式冷氣機給外傭使用,卻發現外傭睡覺時都會「開行晒冷氣」,甚至經常趁事主不在家時在房間嘆冷氣,卻把事主的嬰孩獨自放在客廳吹風扇,而且就連休息日也不放過,「由朝開到晚,我哋提早返屋企發現先關。」讓她不單止擔心日後水電煤費用會大大增加,又擔憂不善待外傭,對方會「報復」對少主不好,並在文中詢問其他網民所聘請的外傭會否這樣,「你哋姐姐會唔會?大家有冇方法建議?」

帖文隨即在網上引起熱論議,不少網民認為近$6,000的煤氣費太誇張,質疑是否煤氣公司職員「抄錯錶」,但亦有網民認為即使「抄錯錶」、有氣體洩漏也不會有如此高昂的煤氣費單,紛紛留言表示「煤氣應該係covid(疫情)無抄錶,一路估低,而家抄返一嘢交返3年」、「我上個月$3,700,問煤氣公司話係抄完錶,同預計煤氣錢唔同,所以收返多」。

另外亦有網民認為事主過份善待外傭、開壞了個頭,外傭或會視為「老奉」,建議事主不妨嘗試安裝智能家居助理、出門時關掉冷氣總掣,「你外出時熄咗個冷氣總制,等佢開唔到」、「裝智能家居,自己搖控開關」、「唔好唔敢話佢,蝕嘅會係你,姐姐唔會多謝你」、「當你咁天真諗住對人好,佢哋就會濫用你對佢哋嘅好」、「你試吓收起冷氣遙控、關廚房熱水掣(假設無抄錯錶)」。

來源:FB@香港僱主討論區(外傭/鐘點/陪月/本地ee)HKET

同場加映:【衝出嚟玩】航天城3萬呎海景室內遊樂場開幕!放電之選玩盡18大主題區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓