迪士尼彼思(Pixar)全新動畫電影《元素大都會》(Elemental)將於暑假檔期7月6日上映，戲中背景以四大元素水、火、土和空氣構成創意新世界，故事兩位主角水先生劉滴水(阿水)和火小姐苗小焰(小焰)個性一柔一剛，更突出元素世界的「水火不容」，粵語版特別請到兩位Pixar忠粉歌手張敬軒和Serrini參與配音，他們不約而同都覺得所聲演的角色跟自己性情相似，兩人戲外口水戰同樣精彩，軒公直言被「烈女」樹妮妮焫著！
今次軒公為「阿水」配音，他認為自己跟阿水一樣都是感性底，擅於表達情緒和內心的聲音，「我同好多水瓶座男仔一樣都十分易喊！」不過阿水亦非一味多愁善感，喊包背後阿水不斷鼓勵小焰跳出自己元素圈，當然亦有好多計仔氹女仔，角色十分有趣過癮。
至於聲演「小焰」的Serrini亦笑說自己似足小焰，經常焫㷫別人，「不過我成日焫唔到人地，反而焫著自己！」Serrini強調自己跟角色一樣並非一味火爆，「我是一個外向地內向的小女孩！雖然成日好似好燥，但其實我好文靜！平時講嘢大大聲，但其實都有唔開心的時候。」
同場加映：【今期Chill抵】沙田萬怡酒店自助餐買一送一！人均$221起歎即開生蠔/胡椒炒龍蝦！送蒜茸牛油虎蝦
表面水火不容 實質「聲聲」相惜
阿水和小焰兩個角色表面上水火不容，但相處下來其實十分合拍。融入角色的Serrini認為「小焰呢個女仔有好多故事，但唔識表達自己，所以經常要爆！她好需要一個溫柔的人去疏導，稍為淋熄她的火。」軒公十分認同，「人與人之間的相處是要講究平衡。阿水是一個多愁善感的人，需要小焰跟他互相補足。」
正如軒公雖然經常笑Serrini又嘈又煩，與愛靜的他似乎格格不入，但講到人生伴侶，他竟然都會選擇Serrini聲演的小焰。「自己感性底，好需要有人焫㷫我！小焰勝在有火，會同我擦出好多火花！」Serrini同樣會視阿水為理想對象「我覺得男性識得表達自己的情緒是非常重要的！我亦好鍾意阿水對世界那份天真和好奇心。」
於是平時經常鬥氣鬥咀的水男火女，配音期間其實「聲聲」相惜，合拍到極，一齊落力加料搞笑，口水花四濺兼擦出前所未有的火花，軒公和Serrini都衷心期望阿水和小焰將會成為迪士尼與彼思動畫最新一對經典角色！
意外發掘唱歌以外聲音潛能
說到配音期間的趣事，軒公笑說發現Serrini說話有口音，十足外國回來的番書女口音。而他自己就首度演繹了海豚音和煲滾水的怪聲。「今次配音讓我們在唱歌和舞台表演以外，通過角色盡情發揮我們聲音的潛能！」想欣賞軒公和Serrini的水聲男火聲女全新組合精彩演出，記住第一時間入戲院捧場！
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
