地盤工人放工時間搭港鐵被乘客嫌棄 一上車即見人人躲避感慨好似撞鬼咁

文: 羅志宏
2023.06.18

踏入盛夏,天氣酷熱,戶外工作的地盤工人尤其辛苦,難免大汗淋漓。不過職業無高低之分,任何行業的工作者都值得被尊重。近日,有一名網民就在網上討論區以「地盤佬應否搭地鐵?」為題發文,表示有一日於下班時間乘搭港鐵,豈料一上車就見到其他乘客「好似撞鬼」般「走夾唔唞」,令他無奈慨嘆。

有網民在香港討論區以「地盤佬應否搭地鐵?」為題發帖,分享了有一日在放工時間乘搭港鐵的所見所感。任職為地盤工的他表示「自問都盡量唔會行去人群中,但放工時間搭地鐵實多人,個個見到都好似撞鬼咁行到幾仗遠」,一上車就見擠擁的人群紛紛走避,似是遭到乘客嫌棄。

他補充:「OK都無問題既,但仲要擺個死人西面嫌棄樣出黎,我想講你住緊層樓分分鐘我有份起架,阿姐!」他憶述當時其他乘客對他避之則吉的反應,令他不岔又無奈。不少網民就紛紛留言安慰他,一方面感謝他作為地盤工人對建造業的辛勞付出,一方面出言為他感到不值「總會有啲以為自己係天上」、「狗眼看人低」、「若無呢d工人做辛苦工住都無得住呀」。

另外,亦有人提出「地盤嗰度有冇得沖埋涼換衫?」的問題討論,有人就表示「個別地盤有得沖涼,冬天有熱水,大部份工人都沖完涼先收工」,亦有人反映多數都難以避免汗臭衛生和氣味問題,始終現時部分地盤未有淋浴設備。

 

圖片來源:香港討論區劇集示意圖;非當事人

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓