深水埗店舖驚現金粒 估計價值近2萬元？ 店家咁樣做引大批網民搶認領

日前「深水埗電子特賣城」在Facebook發文，表示失物認領組在店內發現一粒金粒，疑似是有顧客購物時不慎遺下，呼籲失主到收銀處認領失物。帖文一出，隨即引起大量網民關注，不少網民大讚店家夠老實、路不拾遺，紛紛留言表示「好人好事有好報」、「誠實的店員」、「你們店舖好老實」、「好彩你地執到，希望真正物主可以攞得返。」

點擊圖片放大

同時亦有網民判斷該金粒的價值，根據店家所提供的照片，金粒上刻有「寶生銀行」字樣，估計是由寶生銀行所發行，「看似堅寶生銀行金粒」、「仲似乎係舊版」、「寶生銀行！！！ 歷史肚臍餅」、「絕咗版嚟㗎啦」，當中更有人指「寶生銀行最細嘅實金係一兩」。由於寶生銀行已被中國銀行合併多年，因此不再發行新的金粒，參考現時金價，估計該金粒價值隨時近2萬元。

對於今次事件，除了有部分網民擔心會有貪心的人前去店中冒認，「出埋圖 冒認既人應該好多」、「黎攞嘅人都有可能係騙子喎」，留言中也有不少網民說笑爭着冒認，「好似我之前嗰粒」、「我架」、「我跌架！！！！！一陣到取」、「仲有冇貨，一陣過嚟」。

來源：FB@深水埗電子特賣城

同場加映：【衝出嚟玩】最新影片