好人好事!港人叫外賣因事無法交收 外賣員咁樣做引網民大讚:善良又盡責

文: 黃樂恩
2023.07.05

自中港通關後,不少港人上深圳吃喝玩樂之餘,仲會透過內地外賣平台在回程帶上美食以及生活用品。早前就有網友在社交平台上發文分享,指自己朋友用「美團」外賣App遇上的暖心故事,事後更大讚外賣員好善良、好盡責,「唔佔便宜仲咁大方」,即入內文睇詳情啦!

日前(3日)有女網友在Facebook群組「深圳大灣區吃喝玩樂開心分享區」上,分享在「美團」外賣App遇到的暖心故事,指自己朋友用「美團」購買了一些食物和用品,但由於突然有事無法到關口進行交收,於是跟外賣員說明情況,並將那些食物和用品送給外賣員,當時外賣員聽到後先感到愕然,其後也有表達謝意。

原本以為事件告一段落,沒想到居然收到了美團的退款,事主的朋友相當驚訝和感動,並試圖再次聯絡上外賣員把錢還給他,「但由於退款訂單屬於結束交易,已經無法再聯絡對方,呢件事令朋友深深體會到內地外賣員嘅善良」,更大讚內地外賣員「好盡責,唔佔便宜仲咁大方」。

有關帖文隨即引起網民關注,不少人認為外賣員的行為值得表揚,「無論如何,那外賣員的行為,都值得表揚」、「一樣米養百樣人 遇到好人好事」、「依啲咪值得表揚」、「每個地方都有好多好人,只是一般好人,係做了好事不留名,所以無乜人知道!」、「早两(兩)日上大陸迷路,見到美團外賣員我向他問路,他好人到帶埋我去目的地」。

此外,有網民認為是外賣員主動幫事主的朋友退貨,「退款祇(只)有商家可以發起,外賣員冇可能可以退款,最大可能係外賣員將商品退回商家處」、「送貨費都退埋,即係白行一趟。如果仲要退返俾商家,即白行兩趟」、「有可能平台直接免單都有可能,因食物出門,不會收回的」、「可能佢幫你退左貨」,並建議樓主可以打賞、「比讚」方式表達謝意,「好似可以打賞外賣員。你試下係待平價->搵番張單->打賞騎手」、「或者比個讚賞佢」。

來源:FB@深圳大灣區吃喝玩樂開心分享區

同場加映:【衝出嚟玩】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

【送飛🎟️】請您去《UNISON FEST潛台祭》🎧!

↓ 暑假最強音樂祭!睇KOLOR、Kiri T、雷同二友...↓

↓  暑假最強音樂祭!睇KOLOR、Kiri T、雷同二友...↓