機管局近日推出上門行李託運服務，旅客上網check-in後，就可以預約速遞員上門收取行李，所需手續同喺機場託運行李差唔多，需時約十分鐘，單件行李收費370元。行李經打包後會送到航班目的地，旅客到達機場後可以直接上機，落機再拎行李，今次真係可以一家人兩手揈揈去旅行喇！
============
同場加映：
【家居達人】日本傳統手工家具店 52年歷史 百年木材+職人專製 傢俬擺放保養Tips免發霉
============
相關服務現階段只適用於國泰航班嘅乘客以及目的地唔需任何簽證嘅旅客。首件行李收費為370元，之後每件180元。旅客最早可以喺航班起飛前14日或最遲喺航班起飛前12小時預約服務，可預約上門提取行李嘅時間為上午8時至晚上9時，速遞員最遲會喺航班起飛前5小時上門提取行李。
旅客要完成網上預辦登機手續，先至可以預約上門託運行李服務。職員到達後會核對護照等資料，亦會提醒乘客行李內不可存放違禁品，檢查行李有否損壞，磅重及貼上行李牌。之後就會將行李入袋及貼上封貼，亦會貼上順豐條碼號碼，旅客可隨時追蹤行李。
為確保行李安全，每架車只會載有一位乘客嘅行李，而且車廂內及司機位都設有閉路電視以監控託運情況。行李經入袋上車後，後方車門會貼上封條，一旦撕開後封條會浮現「VOID」嘅水印。如果行李進行X光機檢查時發現有違禁品，航空公司會聯絡乘客，需親自打開行李及拿走違禁品。
機管局客運大樓運作總經理楊達榮指出，有部分商務旅客最後一日嘅行程可能比較忙，新服務可以方便旅客及早安排送遞行李，完成工作就可以直接出發去機場，唔使再返酒店拎行李。佢又話，服務喺6月初試行，7月上半個月已經接獲10張訂單，大多係長途機旅客，寄存2至3件行李，預計服務正式推出後，每個月大約可處理100件行李，未來亦會同更多航空公司合作，探討延長服務時間。
Text/Bee
Source/機管局、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
