試想像一下：自己辛辛苦苦供咗廿幾年嘅樓，竟然因為買賣時嘅屋契格式出錯，搞到單位業權唔係屬於自己，真係令人崩潰！！！諗住去搵返當時負責嘅律師修正，點知原來已離世，而律師行仲要搵唔返自己當年嘅樓宇買賣記錄！而上手業主亦已失去聯絡……咪以為咁誇張，只係電視劇橋段，電視節目《東張西望》就出現現實中有咁樣遭遇嘅苦主，究竟呢個情況可以點解決呢？
============
同場加映：
【家居達人】日本傳統手工家具店 52年歷史 百年木材+職人專製 傢俬擺放保養Tips免發霉
============
苦主劉女士24年前透過地產公司，跟丈夫以150萬買入柴灣區一個二手居屋單位，最近因為要離婚，丈夫打算將業權送畀劉女士，兩個月前進行業權轉讓，向房屋署申請，房屋署亦已經批出文件，可以去搵律師做業權轉讓手續，點知當律師將所需文件交畀房屋署批核時，房屋署表示轉讓手續唔可以繼續進行！原來24年前劉女士做居屋買賣時嘅樓契，格式錯咗！當時負責嘅律師，竟然將居屋買賣當咗私人樓宇嘅屋契嚟做。
劉女士24年前買入柴灣區二手居屋，最近因為要做業權轉讓，先知道因為買賣時屋契格式錯咗，房署唔承認間屋嘅業權。
房屋署向劉女士表示要搵返該位負責律師及前業主一齊簽名，先可以更正。劉女士即刻去搵舊業主，誰知鄰居話前業主應該已搬走十幾年，無法聯絡！劉女士跟住去搵當時負責律師，卻原來已經於去年離世！而香港律師會亦已指派另一家律師行作中介人，管理律師行嘅事務，新律師行負責人表示已經搵唔返同劉金士屋宇買賣事件有關嘅文件，連電腦存檔記錄都無！劉女士好沮喪咁表示：花咗幾十年積蓄，辛辛苦苦用嚟供樓，但而家層樓竟然唔屬於自己，又無理由再花十幾廿萬出嚟打官司。
劉女士去搵返當年負責嘅律師，先知律師已過身，接管嘅新律師行話已經搵唔返所有記錄，令劉女士好沮喪及迷惘。
辦「更正契」等法庭指派執行人代簽名
節目組就事件搵咗陸偉雄大律師查詢解決方法，陸大狀就建議劉女士，首先去搵律師去做一張「更正契」，將之前屋契嘅瑕疵糾正，但呢張契要搵邊個簽名呢？當然最理想就係搵到上一手業主，以及劉女士一齊簽，就可以還原錯誤。但若果好似劉女士嘅情況一樣，搵唔到上一手業主，或者前業主已經離世、移民或者唔肯簽嘅話，咁就一定要向法庭提出申請，等法官下命令，指派司法常務官去簽呢份文件，咁呢張「更正契」就存在，跟住就可以將呢張契交畀房署批閱，如果所有嘢無問題，就可以正式作自由買賣。而劉女士case係業權轉讓，咁就可以再做一張新嘅樓契，一定要跟返屋署屋契嘅特定格式，證明劉女士擁有該樓宇全部業權。
陸偉雄大律師認為劉女士而家可以做嘅，就係去搵律師做一張「更正契」，再向法庭提出申請，等法官指派司法常務官去簽署呢份文件，等「更正契」生效。
而原來之前節目介紹過一位梁女士，都因為相同律師犯相同錯誤而有類似經歷：梁小姐單位上手業主已離世，雖然搵到業主後人，但竟然無出生紙，證明唔到係前業主個仔，跟住有搵律師幫手處理，有登報紙及向法庭證明，梁小姐係有努力嘗試去搵，但對方無資格去簽，最後法庭就安排咗個律師替梁小姐簽名，最後約花律師費十多萬。節目組亦有搵過房署回應，房署指根據居屋二手市場買賣手續，買賣雙方、代理及雙方代表律師，都要採用房委會指定嘅標準格式文件，就有關個案嘅修正轉讓契據事宜，房署已聯絡劉女士，建議佢向代表律師徵詢意見，再作處理。
房署指根據居屋二手市場買賣手續，買賣雙方、代理及雙方代表律師，都要採用房委會指定嘅標準格式文件，並指有關格式已經交畀香港律師會作參考，希望所有居屋買賣者及律師注意。
text/Joyce
photo/電視節目截圖
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
