疫情後，好多嘢都喺唔覺意之間暗暗加咗價，但估唔到連米都有加價危機！因為全球最大食米出口國印度，上月宣布禁止部分種類嘅白米出口，影響全球食米供應，導致米價上升，據知連香港食米主要供應地：泰國及越南嘅食米出口商，重新談判涉及約50萬噸食米的銷售合約，暫時有食米進口商估計米價會上升約3成！如果食米加價，大約會係幾時開始？唔通我哋又要去超市搶定平米？
============
同場加映：
【蝸居睇樓團】680呎日系單位散佈33樣BRUNO家電家品 襯柔和粉色兼多用途傢俬
============
雖然本港嘅食米供應，主要進口自東南亞多國，尤以泰國及越南出產嘅香米為主，但原來全球最大嘅食米出口國係印度，佔全球供應4成，而呢次印度政府禁止部分白米出口係「國家政策」，目的係保障國內食米需求及生產量問題，相信政策會維持較長時間。印度呢次行動，無可避免令全球食米供應緊張！自從上月20日印度宣布禁止出口部分白米後，全球主要食米品種價格，每公噸已增加約80美元。其中泰國5%碎米價格從每公噸545美元升至625美元，升幅約15%；越南同種頪食米價格亦從每公噸515至525美元，升至590美元。據知泰國及越南亦有食米出口商，重新談判涉及約50萬噸食米嘅銷售合約。
原來印度係全球最大嘅食米出口國，佔全球供應4成。
雖然香港人主要食用嘅係來自泰國及越南嘅香米，不過恐防今次印度禁白米出口事件，會令全球食米供應緊張而引致加價。
香港大米存量夠約兩個月 毋須恐慌囤積食米
有本地食米進口商表示雖然未知對香港食米市場嘅實際影響及米價加幅，但預計會加約3成，並有心理準備喺最壞情況下，甚至會加價達5成，而價格變化最快會喺10月出現！亦有米商表示其實已有部分進口商將白米價提升了約5至10%，不過現時工業貿易署對食米儲存量有嚴格嘅要求，目前本港大米存量，足夠全港市民食用2個月，強調市民毋須恐慌，囤積食米。雖然米商亦預計是次食米加價對餐飲業都會有一定影響，預期食肆會將加幅轉嫁至消費者，但餐飲業人士表示香港食肆一向少用印度米，而且可以推廣米飯以外嘅食材。米商建議港府應開拓更多食米來源地，例如可與中國商討放寬內地白米或大米供港數量，或增加從東盟10國進口食米嘅數量，相信對紓緩食米價格有幫助。
米商表示目前本港大米存量，足夠全港市民食用2個月，市民毋須恐慌，囤積食米。
餐飲業人士表示一向少用印度米，而且會推廣米飯以外嘅食材，希望一旦食米加價，將對食客嘅影響減至最低。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
