姜濤演唱會|拖謝安琪合唱《戀愛達人》即變怕醜「僵」濤!分享獲張繼聰陪伴渡過低潮感動全場

文: 王庭芝
2023.08.04

姜濤個人演唱會昨晚(3日)來到第二場,請來分別曾經合作過的張繼聰及謝安琪(Kay)擔任嘉賓,先與Kay合唱《戀愛達人》,又甜蜜拖手仔,不過怕醜姜濤仔面紅兼硬晒軚,其後老公張繼聰突然升上台,更扮嬲向姜濤說:「佢(Kay)嚟拖你手又唔俾飛我,就叫我直情升上嚟睇你哋拖手!」場面十分爆笑!而姜濤談及與二人的淵源,感激阿聰於自己低潮期伸出援手,令他相當感動。

昨晚姜濤翻唱《戀愛達人》,期間Kay驚喜登場合唱,引起全場粉絲哄動!兩人邊唱邊拖手,搞到怕醜仔姜濤耳仔都變紅,唱完之後姜濤亦口窒窒介紹對方,Kay笑言:「佢自己話我想邀請妳嚟同我唱歌同拖手得唔得?我話咁開心梗係得啦,但我琴日嚟綵排佢一直都唔望我,可唔可以解釋一下點解?」姜濤就指當時阿聰在旁邊,說到此時,阿聰突然現身台上,全絲粉絲尖叫不斷。

阿聰一出場即發揮幽默本色,先問姜濤:「呢個女人邊個嚟?我哋之間點可以有第三個人喺度?」Kay亦不甘示弱:「我都想問你請我嚟做嘉賓,你請佢(阿聰)嚟做咩?」姜濤只好即時「道歉」,引發全場笑聲不絕。

姜濤提到邀請二人做嘉賓的原因,表示自從叱咤頒獎禮後,經歷幾個月的低潮,曾經不想覆任何人的訊息,又很怕開手機,但感激阿聰當時給予自己很大的幫助,阿聰則表示姜濤為人勤力又善良,而作為一個十分年輕的藝人,他所承受的壓力並非外人能輕易明白,故此阿聰表示自己十分愛鍚又擔心他。阿聰又窩心地叮囑姜濤現場至少有數萬粉絲,毋須為一些自己看不到的人所留下的惡意批評而不開心,只需記住眼前的粉絲。

至於和Kay的相識過程則,當年仍是「新力軍」的姜濤就和提名「我最喜愛女歌手」的Kay有一個合作表演,不過當年Kay哮喘發作,令她幾乎無法演出,但姜濤配合演出之餘,更用心記熟Kay的新歌,能演出順利完成,Kay直言由當時開始已經覺得姜濤很值得疼愛,又心痛有時聽到姜濤會為粉絲承受各種批評和負面情緒而自責,她再三提醒姜濤有很多愛錫他的粉絲,現場的姜糖們都即時熱烈歡呼,以示支持。

圖片來源:IG@keung_show、IG@kaytse

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

【請您去】海洋公園水上樂園💦!

↓ 立即登記 送雙人門票↓

↓ 立即登記  送雙人門票↓

↓【夏日密密賞☀️】體驗最「Cheeful」夏日😍↓

↓免費換領卡樂B Cheeful® 芝士味粟米條🧀!↓

↓免費換領卡樂B Cheeful® 芝士味粟米條🧀!↓