驚傳朱晨麗突然懷孕！TVB女藝人朱晨麗（Rebecca）自今年3月傳出與何廣沛的6年緋聞地下情告終後，感情世界一直未有著落，不過今日（19日）就突然有報道指「回復」單身的朱晨麗突然懷孕，傳她秘撻富二代靚仔馬主。對此，朱晨麗接受傳媒採訪時就親自為傳聞解畫。
有報道指朱晨麗與何廣沛甩拖後，現時與一名富二代靚仔馬主秘密撻著，更有指二人其實已於去年早生情愫，更曾二人世界蜜遊泰國。同時，有傳朱晨麗近月因為懷孕的關係，而即將停工養胎，故意減少工作。
對於種種眾說紛紜的傳聞，有傳媒就向朱晨麗查問，朱晨麗就為緋聞及所謂「懷孕」傳聞親自解畫，澄清與該位富二代靚仔馬主只是朋友關係，而對方亦無追求她，兩人只是朋友介紹而相識。朱晨麗又表示懷孕傳聞非常誇張，事關她幾日前才馬不停蹄出席活動，而且腳踏高踭鞋，懷孕絕非事實，現時一直專注事業，斬釘截鐵連環否認地下情。
圖片來源：IG@朱晨麗
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
