港人癲價食牛肉米粉？九龍城一間「名店」餐廳最近屢次受關注，繼早前有內地客於小紅書力數餐廳多宗罪，近日再有網民分享到該餐廳吃牛肉粉一碗竟賣$250，價格驚人而引熱議，不少網民對於有人願花貴價食粉麵感到震驚，直言「唔係貴少少咁簡單」。翻查資料，該店曾獲食家蔡瀾推薦，連何超蓮等亦曾光顧！
九龍城雲集不同特色美食，其中火鍋名店「方榮記」開業逾60年，人氣持續未減，除了出名沙嗲火鍋，亦提供特價粉麵飯。最近就有港人於Facebook群組發帖分享，自己於下午茶時段前往方榮記，打算吃一碗牛肉河粉，形容店內幾乎沒有位置，「河粉沽清，唯有改米粉」，但是收費卻令不少港人驚訝。
點擊圖片放大
樓主表示，該碗牛肉米粉「之前$200，加左價變成$250碗」。不過樓主於文內寫道：「原來牛肉配米粉，竟然是絕配，難怪食河粉口感總覺得美中不足」，指今次是意外收穫，更形容「竊喜萬分」，引來大批網民留言洗板。
點擊圖片放大
網民：劏人劏到離哂譜、食日本和牛都得啦
從相片中可見，該碗牛肉粉名為「頂級牛肉粉」標價$250，面上鋪滿牛肉並灑有蔥花；至於普通「牛肉粉」每碗亦索價$140，河粉、麵、米粉同價，相對坊間粉麵店貴上5至6倍不等。大部分網民一面倒覺得好貴，直言該價格「食日本和牛都得啦」、「得兩種人食，ㄧ係有錢，ㄧ係儍既」，認為樓主自願做水魚被店家劏客，「仲要咁多筋， 似隔離街平價碎牛」。
▼ 網民留言▼
曾是香港電影《PTU》取景地 獲蔡瀾推薦、何超蓮等曾光顧
雖然牛肉粉麵索價甚貴，但根據餐牌，店家亦有提供$38的特價粉麵飯，牛腩粉、牛雜粉等售$40起不等，同樣有其他平價選擇。方榮記以濃郁沙嗲湯底聞名，曾是香港經典電影《PTU》取景場地，並曾獲食家蔡瀾推薦，連賭王何鴻燊三房千金何超蓮等都曾光顧，早年在內地名氣不少。然而隨著兩地通關後，該店於小紅書上遭不少內地客鬧爆，不滿方榮記價錢貴及食物質素，當時獲部分港人力撐，認為香港物價本來就貴。
點擊圖片放大
方榮記沙嗲牛肉專家 詳情
地址：九龍城侯王道85-87號地下
營業時間：11:30 - 00:30
電話：2382 1788
資料及圖片來源：FB@香港茶餐廳及美食關注組、小紅書
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
