香港的哥接客最愛3大地點！6大原因鍾意接載呢1類人 最怕斯文XX網民咁樣睇
香港坐的士不時會遇到拒載情況，令港人頗感無奈。最近有的士司機就大曝，自己最愛去3大地點接載乘客，並且大談接客心得，稱自己最喜歡接載1類人士，更列出6大原因，令的哥「越嚟越鐘意」遇上他們，又坦言最怕遇到「斯文XX」！
最近有的士司機於Facebook群組發文分享，指自己愈來愈喜歡接載「江湖人士」，意旨是「客客氣，江湖味甚濃既高級會員或頭目」，並非「啲最低級無禮貌既（嘅）死𡃁仔𡃁妹」。他解釋，這類人士均有6大共同特徵，因而愈來愈喜歡遇到他們。
香港的哥列6大特徵（原因）：
1. 路線任你行，最緊要唔塞車最緊要快。
2. 落車一定有醒（小費）。
3. 好多都送朋友或女友回家，完全不計較條數（價錢）。
4. 唔鐘意慢車，越快越好。
5. 粗聲粗氣但對人好有禮貌。
6. 只要你聊到他們有興趣的話題，全程車都好奔放咁「喪鬧」，想停都停唔到。
他續指，自己愈來喜歡前往上海街、砵蘭街或佐敦尖咀一帶，嘗試碰運氣接載他們，認為「呢啲先係真性情真漢子，同對面海既金鐘上羅便臣道都要出單，又要找足，又要懷疑你行錯路既（嘅）高貴斯文敗類比，真係好大分別㗎」！
貼文引來網民留言討論，有部分同行司機表示曾有相似經歷，「尖東上車..傾到入上水，落車5舊（$500）免找」、「搭的士就是金錢換時間，到達時間夠快自然有醒（水）啦」；不過有網民認為「江湖人士，都吾會搭的士啦」、「感覺被人用支搶指住去做生意」。大家又怎樣看呢？
根據《道路交通（公共服務車輛）規例》，的士司機如無合理辯解，不得故意拒絕或忽略接受租用人的租用，不論該租用人的意圖是以明顯或默示方式表示的；拒絕或忽略駕駛該的士至租用人指示的任何地方。任何人如違反有關法例，一經定罪，可處罰款10,000元及監禁6個月。
資料來源：FB@的士司機資訊網 Taxi
港生活人氣本地熱話
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【限時搶⚡】SmileLife™ Probio益活 厚生益菌元↓
↓提升腸道益菌，加強免疫力｜改善易敏體質，對抗濕敏↓
